Qazaqstan prezıdenttigine kandıdattar sany 14 adamǵa jetti. Bul týraly búgin Ortalyq saılaý komısıasynyń múshesi Lázzat Súleımenova málim etti.
"2-9 naýryz aralyǵynda Ortalyq saılaý komısıasyna azamattardan 14 ótinish kelip tústi. Olardyń bireýi partıa atynan, 13 adam ózin-ózi usyndy. Turǵyn Syzdyqov Qazaqstan halyqtyq komýnıstik partıasy atynan usynylǵan bolatyn", - dedi ol.
Súleımenovanyń aıtýynsha, Ortalyq saılaý komısıasy qazirgi ýaqytta osy azamattardyń Qazaqstan Respýblıkasynyń Konstıtýsıasyna jáne "Saılaý" týraly zańyna sáıkestigin tekserip jatyr.
Tıisti suranystar Bas prokýratýraǵa jáne İshki ister mınıstrligine jiberildi.
"2 azamatqa, Syrǵabaev Asqar men Aldajanov Saıfollaǵa memlekettik tildi erkin meńgermegen degen sheshim shyǵaryldy. 6 naýryz kúni Qoıshıeva Lımana memlekettik tildi erkin meńgergendigi týraly anyqtama alyp, azamattardyń arasynda ózin qoldaý qolyn jınaýǵa kirisip ketti", - dedi OSK múshesi.
Búginge deıin prezıdenttikke úmitker atanǵandar: Syrǵabaev Asqar Jorabaıuly; Aldajanov Safıolla Qalabaıuly; Qoıshıeva Lımana; Ábdikárimov Baqyt Tólegenuly; Myrzashov Sýhrab Amınjanuly; Ókteshbaev Esenbek Japaruly; Júnisbekov Iakýbjan; Juman Qaırat Toqtaruly; Serǵazın Erjan Merekeuly; Maıshev Qaırat Álembaıuly; Qaısarov Ýálıhan Ábishuly; Estemesov Baqtıar Óksikbaıuly; Turageldıev Qanat Sybashuly.
