Tehologıa damyǵan saıyn zertteý jane jazý jeńildep keledi. Sońǵy kúnderi Andriod telefondarmen jazýlarymdy pernetaqtaǵa basý arqyly emes, qalta telefonǵa sóıleý arqyly jazýǵa úırendim. Ókinishke oraı, bul júıe áli qazaq tilinde joq, aǵylshyn, nemis, orys sekildi batystyq jáne qıyr shyǵys tilderinde bar. Aıtpaqshy túrik tilinde bar. Biraq telefon qatelikter jibermeı qoımaıdy, olardy túzetý úshin qalta telefonǵa symsyz bluetooth perne taqta qoldanamyn. Osylaısha sandyq tehnologıamen zertteý jáne eńbek jazý jeńil jáne rahat.
Sóılegendi jazatyn júıe ókinishke oraı windows (tereze) júıesimen isteıtin ústel ústi jáne tize ústi kompúterlerde joq. Bul, android júıesimen isteıtin uly telefondar men planshetti kompúterlerde bar. Iphone uıaly telefondarǵa bul júıege bıyl qana qosylyp otyr.
Uly telefon nemese planshetti kompúterlermen mundaı jazý júıeni árkim ózi ornata alady. Munyń úshin “glıf” degen qalta telefony ustaıtyn shaǵyn aparat jáne úsh aıak (trıpod) kerek. Qulaqqa salatyn mıkrofon asa qajet emes. Uzaq ýaqyt jumys istegende baterıanyń bitip qalýynda qajetti qosymsha portatıvti zarádtaý apparatyn alǵan durys.
Ózim túrik tilinde “F” úlgisinde pernetaqta qoldanamyn. Muny 10 saýsaqpen pernetaqtaǵa qaramaı tez jazamyn. Ókinishke oraı, android telefondarynda ol júıe joq. “Q" úlgisindegi júıe bar. Alaıda, máseleniń sheshimi qıyn emes. Ol úshin "External Keyboard Helper" dep atalatyn baǵdarlamany ornatamyz.
Bul basqda múmkindikteri bar baǵdarlama. Munda qajetti parametrlerdi ornatqannan keıin pernetaqtada ózińiz belgilegen bir túımege basý arqyly sóılegendi ózi jazatyn júıege nemese pernetaqtamen jazatyn júıege op-ońaı aýysýǵa bolady. Sóılep jazǵan tusta shyqqan árip nemese emle qatelikterin túzetý úshin osylaısha dereý pernetaqta júıesine ótýge bolady.
Sandyq tehnologıanyń zertteýlerdi ońaılastyratyn basqa da qyrlary kóp. Biz bul maqalada tek sóılegendi jazý jaǵyna toqtaldyq. Ózge qyrlaryn da tanystyratyn maqalalar keıin jazatyn bolamyz. Tipti solardyń barlyǵyn qamtyp “Sandyq tehnologıa jáne áleýmettik ǵylymdar” degen atpen bir kitap jazýda oıda bar.
Zaman báseke men ózgerister kóp bolǵan zaman. Osy zamanǵa sáıkes eńbekti tez jazyp úlgerý kerek. Osyndaıda tehnologıaǵa júgingen durys. Sondyqtan sandyq tehnologıamen zertteý jáne eńbek jazý jeńil jáne rahat bolǵanymen barǵan saıyn qajettilikke aınalady dep oılaımyn.
Ábdiýaqap Qara,
Tarıh ǵylymynyń doktory, Mımar Sınan kórkem
óner ýnıversıtetiniń profesory
