QR Prezıdenttigine úmitker retinde Ortalyq saılaý komısıasyna ótinish bergen Ýálıhan Qaısarovty saılaý komısıasy úmitker retinde tirkeýden bas tartty. Bul týraly QR Ortalyq saılaý komısıasynyń múshesi Lázzat Súleımen búgin Astanada ótken brıfıń barysynda málimdedi, dep habarlaıdy BAQ.KZ tilshisi.
«Úmitkerlerdiń óz qoldarymen toltyrǵan málimetterin Ortalyq saılaý komısıasy muqıat tekserýde. Mysaly, óz kandıdatýrasyn usynǵan Ýálıhan Qaısarov Prezıdenttikke kandıdat bolyp daýysqa túsýge nıet bildirý týraly ótinishinde basqa memlekettiń azamattyǵynda turǵanyn óz qolymen kórsetken. Osy másele boıynsha biz QR İİM-ge atalǵan derekterdi teskerý úshin suraý jiberdik. Sondaı-aq, osy úmitkerdiń memlekettik tilde toltyrǵan ómirbaıandyq derekterinde birneshe qateler bar ekeni anyqtaldy», - dedi L.Súleımen.
Aıta óteıik, Ýálıhan Ábishuly QR Prezıdentin saılaý naýqanynda osymen úshinshi ret qatarynan ózin ózi úmitker retinde usyndy. Degenmen, úsheýinde de onyń ótinimi qabyldanǵan joq.
