Eldiń birinshi pedogogy sanalatyn BǴM Aslan Sárinjipovke qazaqstandyqtardyń jaǵdaıy báribir sıaqty. Nur Otan partıasynyń "jemqorlyqqa qarsy" ótkizgen qoǵamdyq keńesiniń keńeıtilgen otyrysynda májilis depýtaty Merýert Qazbekova osylaı dep málimdedi.
"Qazaqstandyqtardyń tarapynan Bilim jáne Ǵylym mınıstrine qatysty shaǵymdar jıi kelip túsedi. Mysaly, kishkene balalaryn balabaqshaǵa ornalastyrý úshin mekeme basshalyry "para" suraǵandaryn aıtady. Al qarapaıym turǵyndar Mınıstr myrzaǵa jolyǵýǵa múmkindikteri joq. Aslan Sárinjipov myrzaǵa turǵyndar turmaq, bizdiń depýtattardyń ózi jolyǵa almaıdy. Sebebi, bizdiń Bilim mınıstri tym jumysbasty. Qabyldaýǵa ýaqyty joq", - deıdi depýtat Merýert Qazbekova.
Merýert Qazbekova, QR Májilis depýtaty:
- Mınıstrlik basshylyǵy resmı aqparat berýge asa mán bermeıdi. Bilim jáne Ǵylym mınıstrliginiń resmı saıtyna túrli sanattar boıynsha (para alý, para berý, balabaqshaǵa ornalastyrý tártibiniń buzylýy, orta mektepterdegi muǵalimderdiń oqýshyǵa qol kóterýi, mektep dırektorlarynyń taǵaıyndalýy t.b. ) kelip túsken 534 shaǵymnyń eskerilmeýi, atalmysh shaǵymdarǵa eshqandaı jaýaptyń berilmeýi sózimizdiń dálili bolmaq. Sondaı-aq, 2014 jylǵy 12 aıdyń 6 aıynda Mınıstr Aslan myrza tıisti halyqtyq qabyldaýlaryn mezgilinde ótkizbegen. Mınıstrdiń kabınetine qarapaıym halyq turmaq, biz - depýtattardyń ózi kiri almaı ketkenbiz.
Al Aslan Bákenuly QR mınıstrler kabınetindegi jas mınıstrlerdiń biri ǵoı. Ol halyqty tikeleı qabyldap, olardyń saýaldaryna naqty jaýap beretin birden-bir adam - ózi ekenin bilmeıdi me?! Sonymen qatar, mınıstr myrza Bilim jáne Ǵylym mınıstrliginiń portfelin ustaǵaly beri eshbir aımaqtarǵa resmı saparmen barmaǵan. Osyǵan qarap, eger Mınıstr myrza aımaqtardy jıi-jıi aralap, mınıstrliktiń saıtyna kelip túsken saýaldarǵa mezgilinde jaýap qaıyryp turǵanda bilim salasyndaǵy jemqorlyq azaıar edi.
Salystyrmaly túrde alyp qarasaq, 2012 jyly bilim berý salasynyń sheneýnikteri ishinde 5 birdeı para alý faktisi tirkelse, al 2013 jyly 9 sheneýnik paramen ustalǵan bolatyn. Al 2014 jyldaǵy jarty jyldyqtyń ózinde 19 sheneýnik qylmystyq jaýapqa tartylǵan. Al Bilim jáne Ǵylym mınıstrliginiń aımaqtyq qyzmetkerleri arasynda 2013 jyly 117 qylmystyq is tirkelgen bolsa, ótken 9 aıdyq ózinde 228 bilim berý salasy mamandary qylmysqa shatylǵan.
Aslan Bákenuly Sárinjipov myrza Bilim jáne Ǵylym mınıstrligin basqaryp otyrǵan 10-shy mınıstr. Sondaı-aq, Asekeńniń bilimi de ózge qyzmettesterimen salystyrǵanda joǵary. Aslan myrza 3 birdeı JOO dıplomy bar bilimdi basshy. Sonymen qatar, qazirgi BǴM basshysynyń sonaý Garvardta tájıirbıe jınap qaıtqanyn taǵy eskerińiz. Sonyń ishinde Aslan myrza óziniń 3 birdeı dıplomynyń tek bireýine ǵana Qazaqstanda ıe bolǵan.
Sol Aslan Sárinjipov myrza 2013 jyldyń 2 qyrkúıegi kúni Mınıstr laýazymyna taǵaıyndalǵan edi. Aslan myrzaǵa deıin osy postty basqarǵan Baqytjan Jumaǵulov myrzanyń isinen shıkilik shyǵyp, tıisinshe ol qyzmetinen bolatylǵan bolatyn. Dese de mınstrlikke jańashyldyqpen ákeledi dep sengen mınıstr Aslan myrza da Baqytjan myrzanyń kebin kıgendeı bolǵan. Sońǵy kezderi baspasóz betterinde Aslan Bákenulynyń atyna túrli syn taǵyla bastaǵany taǵy ras. Mysaly, mınıstr laýazymyna taǵaıyndala sala, "orta mektepterde bastaýyshtan bastap kásiptik mamandar daıarlaý kerek. Oqýshylardy kásipke baýlý kerek" dep shyqqan. Al ótken jyldyń naýryzynda belgili bolǵandaı, BQO-da balabaqshalarda "birjynysty otbasy" týraly ertegiler oqytylǵan. Sondaı-aq, Almaty oblysynyń Uıǵyr aýdanynda orta mektepterde "mektep baǵdarlamasyna engizilmegen pándi oqytqan" bolatyn. Bul týraly qazaqstandyq buqaralyq aqparat qyzmetkerleri jazǵanymen Mınıstr myzra myńq etpegen edi. Endi mine, Mınıstr Sárinjipov qazaqstandyqtardyń BǴM resmı saıtyna joldaǵan saýaldaryna qulaq túrmek túgili burylyp nazar salmaǵan da. Tipti, ol kisiniń orynbasary Tahır Balyqbaev myrzanyń ózinen jaýap alý tym qıyn. Ózi Qazaq handyǵynyń 550 jyldyǵyn ótkizý jónindegi jumys tobynyń múshesi. Sóıte tura Memleket basshysynyń bastamasymen qolǵa alynǵan is-sharany Stýdentter saraıynda ótkizýge yqpal etýdi suraǵan jýrnalıserge bir aýyz jaýap jazýǵa ýaqyt tappaǵan.
Soǵan qaraǵanda Sárinjipovtiń de, Balyqbaevtyń da eldende mańyzdy basqa jumystary bar sıaqty....
Nurzat Toǵjan
