Shý qalasynyń mańynda jolaýshylar poıyzy aýdaryldy, - dep habarlaıdy Qamshy.kz aqparat agenttigi Tengrinews.kz saıtyna silteme jasap.
Tótenshe jaǵdaıdyń kýágerleri oqıǵanyń 14.00-de Jambyl oblysyndaǵy Shý stansıasynyń mańynda bolǵanyn habarlady. Bul - "Astana-Almaty" baǵytyndaǵy №9 "Baıterek" poıyzy. QR İİM TJK resmı ókili Rýslan Imanqulov bul málimetti rastady.
"Aldyn ala málimet boıynsha, Astana-Almaty jolaýshylar poıyzynyń úsh vagony relsten shyǵyp ketken, Jambyl oblysy, shý aýdany. Kelip túsip jatqan málimet boıynsha, zardap shekkender bar, biraq ázirshe bizdiń bólimsheler oqıǵa ornyna bara jatyr", - dep habarlady Imanqulov.
"Shamamen 30 mınýt buryn boldy. Ózimiz 9-shy vagonda kele jattyq. Al 13, 14 jáne 15-shi vagondar aýdaryldy. biz relsten shyǵyp ketken sıaqty boldyq. Sosyn dereý toqtady", - deıdi poıyz jolaýshylarynyń biri.
Taǵy bir jolaýshynyń sózinshe, oqıǵa ornyna jedel qyzmet pen jedel járdem jetken. Taǵy bir qosymsha poıyz kelip, adamdardy otyrǵyzyp jatyr eken.
