Shý qalasynyń mańynda "Astana-Almaty" baǵytyndaǵy №9 "Baıterek" poıyzy aýdaryldy, dep habarlaıdy Qamshy.kz aqparat agenttigi.
Oqıǵa ornynda túsirilgen vıdeo áleýmettik jelide tarap jatyr.
QR İİD Tótenshe jaǵdaılar komıtetiniń habarlaýynsha, qutqarý qyzmeti vagondar aýdarylǵan jerge shyǵyp ketken.
Kýágerleri poıyz apatynyń búgin 14.00-de Jambyl oblysyndaǵy Shý beketiniń mańynda bolǵanyn aıtady. Bul aqparatty QR İİM TJK resmı ókili Rýslan Imanqulov rastady.
"Aldyn ala málimet boıynsha Jambyl oblysy Shý aýdanynda "Astana – Almaty" jolaýshylar poıyzynyń úsh vagony relsten taıyp ketken. Kelip túsip jatqan málimetke súıensek, zardap shekkender bar, biraq ázirge bizdiń bólimsheler oqıǵa ornyna bara jatyr", - dep habarlady Imanqulov.
QR İİM TJK ókilderiniń sózinshe, relsten jeti vagon shyǵyp, onyń úsheýi qulaǵan.
"Jolaýshylar tasymaly" AQ-nyń baspasóz qyzmeti qosymsha aqparatty sál keshirek berýge ýáde etti.
