Belgili saıasatker,  qoǵam qaıratkeri, oppazıalyq koalısıa múshesi Ámirjan Qosanov 26 sáýirde ótetin Qazaqstandaǵy kezekten tys Prezıdent saılaýyna úmitker retinde óz kandıdatýrasyn usynýǵa nıetti ekenin aıtty. Bul týraly Qamshy.kz  oprtaly habarlaıdy.

"Iá, ondaı oıdyń bar ekeni ras (úmitker retinde saılaýǵa túsý). Qazir kezinde ózim de tizginin ustaǵan, Qazaqstandaǵy jalǵyz legıtımdi, bılikshil emes Japly ulttyq sosıal-demokratıalyq partıasynyń kezekti jıynyn kútýdemin. Atalmysh partıa sezdine Qazaqstandaǵy barlyq demokratıalyq kúshter qatysady dep kútilýde. Men óz kandıdatýramdy usyný arqyly demokratıalyq kúshterdiń ishki tartysyn týdyrýshy quralǵa aınalǵym kelmeıdi. Eger sezde qabileti men parasaty tolysqan, el basqarýǵa shamasy jetetin, laıyqty kandıdat usynylatyn bolsa, men árıne, kóppen birge ony qoldaıtyn bolamyn. Al eger, sezdte laıyqty úmitker usynylmaıtyn bolsa, men 14 naýryz kúni, ıaǵnı tirkeý aıaqtalatyn sońǵy kúnde óz kandıdatýramdy usynamyn. Al  meniń saılaýǵa túsý-túspeý týraly naqty sheshimim JSDP sezdinen keıin belgili bolady", - dedi saıasatker Ámirjan Qosanov.

Ámirjan Qosanov QazUÝ-dyń (burynǵy Kırov) jýrnalısıka fakúltetin támámdaǵan. Ol buǵan deıin Prezıdenttik saılaýǵa túspegen. 1990 jyldardyń bas sheninde Premer-mınıstrdiń baspasóz qyzmetin basqarǵan. Úlken saıasatta ol -  Respýblıkalyq Halyqtyq partıa  jáne JSDP jetekshileriniń biri boldy.