Búgin Elbasy Nursultan Nazarbaev Qazaqstanda 26 sáýirde ótetin kezekten tys Prezdent saılaýyna qatysatynyn málimdegen bolatyn. Tipti, Myrzataı Joldasbekov tóraǵalyq etetin lıngvısıkalyq komısıanyń synaqtarynan da súrinbeı ótken. QHA usynyp, Elbasy sheshim qabyldap, qazaqstandyqtar bir aýyzdan qoldap, qolpashtap saılaý ótkizýge bel sheshe kirisken tusta, bıylǵy jylǵy sáýirdegi saılaýda Prezıdent Nazarbaevtyń saılaýaldy kompanısyn kim basqarady degen suraq týyndaıtyny taǵy ras.
Osyǵan deıingi qos birdeı dodada jeńimpaz atanýǵa Prezıdent Nazarbaevtyń komandasy belsendilik tanytqanyn bilesizder. Prezıdenttiń saılaýaldy kompanıasyn kim basqarsa da, jaqsy syıaqydan qur qalmaıtyny túsinikti.
Mysaly, 2005 jyly Prezıdent Nursultan Ábishulyn jeńiske jetelegen sol kezdegi saılaýaldy kompanıa jetekshisi Baqytjan Jumaǵulov edi. Ol "Otan" partıasynyń atynan Nursultan Ábishulynyń qoǵamdyq shtabyn basqarǵan bolatyn. Tipti, Prezıdent Nazarbaev Baqytjan Jumaǵulovqa "Otan" partıasynyń birinshi tóraǵasy laýazymyn da bergen bolatyn. Keıinnen "Otan" partıasynyń quramyna taǵy birneshe saıası kúshter qosylady. Sóıtip, Baqytjan Tursynuly ekinshi satyǵa yǵysady.
Aldyńǵy eki birdeı saılaý naýqanynda óziniń qabilettiligimen kózge túsken Baqytjan Jumaǵulov myrza 2007 jyly birden májilistiń vıse-spıkeri atanady. Al 2008 jyly belgili bir sebeptermen jaıly laýazymynan túsip, JOO rektorlyǵyna barady.
Al 2011 jylǵy saılaý naýqany kezinde Memleket basshysy barlyq dańǵaza merekelerden bas tartyp, joldaýda kórsetilgen jumystardyń atqarylýyna asa mán beredi. Ol kezde "Nur Otannyń" birinshi orynbasary Nurlan Nyǵmatýlın Prezıdentiń qoǵamdyq shtabyn basqarý isine bel sheshe kirisken edi. Saılaý naýqany sátti aıaqtalysymen Nurlan Zaırýllauly parlamenttiń tómengi palatasynyń tizginin ustaıdy. Al qazir Nyǵmatýllın Prezıdent ákimshiligin basqarady.
Nyǵmatýlın Jumaǵulovtyń qateligin jibergen joq. Esesine oǵan úlken saıasattaǵy tájirbıesi men "Nur Otandy" basqaryp turǵan kezdegi bedeli kóp kómegin tıgizdi deıdi sarapshylar.
Bıyl she? Halyqtyń yqylasyn jıyp, Prezıdentti oryntaǵyna qaıta otyrǵyzatyn tulǵa kim? Múmkin "Nur Otan" partıasynyń birinshi orynbasary Baýyrjan Baıbek myrza basqaratyn bolar. Biraq keıbireýler Baýyrjan myrzanyń iskerlik tájirıbesine kúmánmen qaraıdy. Sondyqtan jaqynda ǵana Prezıdent keńesshiliginen bosatylǵan Muhtar Qul-Muhammed myrza osy qyzmetke laıyq sıaqty. Siz qalaı oılaısyz?
Nurzat Toǵjan
