Qazaqstan kásipodaqtar uıymy alda ótetin QR Prezıdentin saılaý naýqanynda Nursultan Nazarbaevtyń kandıdatýrasyn qoldaıdy. Bul jaıynda búgin Astanada ótip jatqan Federasıayń atqarýshy komıtetiniń kezekti otyrysynda aıtylyp otyr.
Qazaqstannyń kásipodaqtar federasıasy – elimizdiń saıası-áleýmettik qatynastary salasyndaǵy memlekettik saıasatty túzep jáne ony júzege asyryp otyrǵan úlken qoǵamdyq kúsh. Ol jaldamaly jumysshylardyń áleýmettik-ekonomıkalyq quqyqtaryn qorǵaýda josparly túrde jumystar atqaryp keledi. Federasıa Jalpyulttyq demokratıalyq kúshter koalısıasynyń múshesi retinde eldiń qoǵamdyq-saıası ómirine belsene aralasýda.
Atalǵan jıyn barysynda atqarýshy komıtet músheleri alda ótetin saılaýda biraýyzdan N.Nazarbaevtyń kandıdatýrasyn qoldaıtynyn málimdep, Elbasynyń kásipodaqtar qozǵalysynyń qalyptasýyna jáne damýyna úlken úles qosqandyǵyn atap ótti. Memleket basshysynyń árbir Joldaýy eldegi áleýmettik-ekonomıkalyq jaǵdaıdy turaqtandyrýǵa baǵyttalǵan. Iaǵnı, jumyssyzdardyń sanyn qysqartyp, halyqtyń áleýetin arttyrý basty maqsat deıdi olar.
