Búgin Almaty ákimi Ahmetjan Esimov metropolıtenniń ekinshi kezeńi Máskeý jáne Saıran stansalarynyń paıdalanýǵa berilýge ázirligin tekserdi. Ekologıalyq turǵydan taza kólik sanalatyn jerasty júrdek poıyzdary ótken jyly 20 mln adamdy tasymaldady. Eń alǵash ashylǵan ýaqytta metromen táýligine 13-14 myń adam qatynaıtyn bolsa, qazir metro qyzmetin táýligine 24 myń adam paıdalanady. Almaty metrosynyń uzyndyǵy 8,56 shaqyrymdy quraıdy. Jańa stansalardyń qosylýymen jerasty jolynyń uzyndyǵy 2,74 shaqyrymǵa uzarady. Abaı kóshesiniń boıynda Brýsılovskıı men Tilendıev kóshesiniń aralyǵynda ornalasqan Saıran stansasy 18 metr tereńdikte ornalasqan. Máskeý stansasy Ótegen batyr men Altynsarın kóshelerimen aralyǵynda ornalasqan. Ár stansada 2 lıft pen 8 eskalator jumys isteıtin bolady. Abaı kóshesimen qozǵalysty batys baǵytta sozý úshin bolashaqta Saryarqa stansasyn qosý josparlanǵan. "Qazınform"