Úndistanda zorlanǵan  qazaq kelinshegine qatysty jańa derek shyqty. 27 jastaǵy jerlesimiz ol jaqqa is-saparmen barǵan eken.

Delı qalasyndaǵy qonaq úıdiń birine jaıǵasqan soń, keshki asyn ishpek bolypty. Sol kezde qasyna úndiniń eki jigiti kelip, otandasymyzdy mańyzdy isti talqylaýǵa basqa qonaq úıge shaqyrǵan. Keıin kelisimin bergen kelinshekti ertip áketken jigitter sonda aram oılaryn iske asyrady. Sharýasyn tyndyrǵan soń qaskóıler qashyp ketkenimen alysqa uzaı almaı qolǵa tústi. Qazir Úndistannyń barlyq basylymy osy týraly jarysa jazýda. Tipti qaskóılerdiń Qazaqstan azamatshasymen tanys ekenin habarlaýda. Usynysqa kelise ketkenine qaraǵanda, kelinshek qaskóılermen sol kúni kóshede tanysqan bolýy da múmkin. Al bul oqıǵany elimizdiń Syrtqy İster mınıstrligi de baqylaýǵa alǵan. Negizi el kezip qydyratyn áıelder úshin Úndistan eń qaýipti jer. Sebebi, munda árbir 20 mınýt saıyn áıel zorlanady. Al jábir kórgenderdiń basym bóligi týrıser. Onyń ústine 3 jyl buryn 23 jastaǵy stýdentimiz de Úndistanda zorlanǵan bolatyn.