Qazaqstandaǵy tanymal eki saıasattanýshy toqal alý máselesin zańdastyrýǵa qatysty oılarymen bólisti.

Bul týraly anabol.kz saıty habarlaıdy. Saıasattanýshy Maqsat Jaqaý 2 nemese 4 áıel alýdy zańdastyrý ýaqyt talaby ekenin aıtty. "Zańdastyrý degenimiz - áıelderdiń quqyqtyq-materıaldyq múmkindikterge ıe bolýy. Óıtkeni, toqal alýdy zańdastyrmaý azamattyq jaýapkershiligi anyqtalmaǵan azamattyq nekeniń nysanymen ǵana shekteledi. Ekinshi másele, sol áıelden týylǵan balalary bolsa, olardyń da tolyq otbasyda ómir súrýine, balanyń tolyq qoljetimdi dúnıelerine jol ashylady", -deıdi Maqsat Jaqaý.

Sol áıelden týylǵan balalary bolsa, olardyń da tolyq otbasyda ómir súrýine, tıisti balanyń tolyq qoljetimdi dúnıelerine jol ashylady.

Onyń pikirinshe, muragerlikti aıtpaǵannyń ózinde, bala ákesiniń zańdy balasy ári balalyq psıhologıalyq qyspaqtan ada bolady. "Úshinshiden, eshqandaı dinı de, azamattyq-turmystyq qarym-qatynastyq tártipterge qaıshy kelmeı sanaly zańdy qadamdarmen ómir súrýge qol jetkizedi. Sondyqtan, qajettilik týyndaǵan jaǵdaıda qoǵamdaǵy otbasylyq problemalardyń aldyn alý úshin, qoǵamdyq otbasy ınstıtýttaryn shaıqaltpaý úshin de "Toqaldyqty nemese birneshe áıel alý týraly Zańdy" engizý qajet dep sanaımyn. Biraq bunyń da tıisti-qajetti otbasylyq týyndaǵan kezde ǵana, báıbishesiniń tolyq kelisimimen kúshine enýi "Neke týraly kelisim-sharttyń" negizinde júzege asýy kerek", - dep qorytyndylady ol óz oıyn.

Al tanymal saıasattanýshy Aıdos Sarym toqal alýdy zańdastyrýdyń qajeti joqtyǵyn, tipti, bul memleket dárejesine kóteretindeı másele emestigin aıtady.

"Toqal alýdy zańdastyrýdy qajet dep oılamaımyn. Meniń oıymsha, ol ár adamnyń jeke basynyń nemese tabıǵattyń, adamgershiliktiń máselesi. Onyń basqa da retteri bar, ony qoǵam bolyp talqylaýǵa múlde kelmeıdi. Men az da bolsa ómir kórgen adam retinde aıtarym, eshbir ana, eshbir áıel toqaldyqqa kelisim bere bermeıdi. Birinshiden, qoǵamdyq turǵyda, mentalıtetimizden attap kete almaıdy. Totalıtarlyq turǵydaǵy saltty eshkim buzyp ketpeıdi. Bul da anyq nárse. Bul másele ár adamnyń jeke ómirine qatysty, ony memleket dárejesine kóteretindeı másele emes dep oılaımyn", - dep pikir bildirdi Aıdos Sarym.