Keshe Almaty qalasynda bolǵan jantúrshigerlik oqıǵa búkil eldi eseńgiretip tastady. Mánerlep syrǵanaý sheberi Denıs Tenniń nebári 25 jasynda urlyqshylardyń qolynan qaza tapqany búkil eldiń shamyna tıip, aýyr qazanyń basty sebebi - eldegi qaýipsizdik júıesiniń durys emestiginde dep shýlasty jurt.
"Jas chempıonnyń ólimi - elimizdegi jemqorlyq júıesiniń kesiri!" - degen pikirdi aıtyp, jeli qoldanýshylary birinen soń biri jappaı QR İshki ister mınıstri Qalmuhanbet Qasymovtyń otstavkaǵa ketýin talap etýde. Mundaı talapty tek qarapaıym halyq qana emes, elimizge belgili saıasattanýshylar da qoldaýda.
Belgili ekonomıs, saıasattanýshy Muhtar Taıjan óziniń Facebook paraqshasynda bylaı dep jazady: "Denıs nege júgirdi? Áınekter úshin júgirgen oq. Ádilettik úshin júgirdi, urylardy ustaımyn dep júgirdi. Bizde osynda jyl boıy "áınekterdi tabamyz dep jazyp jatqan joqpyz, tek ádilettik izdep jazyp júrmiz. Al "áınekterdi" bizden, kelesi urpaqtan kúnde urlap júrgen urylardyń qolynda álbette "pyshaq, qarý" bolady. Sumyraılar. Jemqorlyqtyń qurbany bolǵan Denıs, jemqorlyqtyń. Kólikterdiń áınekteri - jemqor mentterdiń bıznesi eken".
"İshki İster mınıstiri Qalmuxanbet Qasymov!
Sen, "Eńbek aqysyn talap etken" sharasyz munaıshylardy aıaýsyz atyp-qyrýǵa buıryq bergen, "Eldegi bassyzdyqtar joıylysyn, adam quqyqtary saqtalsyn" dep, tyńdaıtyn eshkim bolmaǵasyn, kóshege pikirin aıtyp shyqqan azamattyq belsendilerdi ańdyp, qýyp-qýdalap qamaǵan. Odan da tapa-taltúste adam qanyn júktegen qanisherdi tap, sony qý! Tek, jazyqsyz, kúnásiz adamdy "jazalap" shyǵarma! Kóshe-kósheni timiskilep júretin qyzmetkerleriń qaıda?!
Qasymov, QYZMETİNEN BOSATYLSYN!" - dep jazady jeli qoldanýshysy Naýryzbaı Sametuly.
Belgili zańger Aıgúl Orynbek te óziniń Facebook paraqshasynda bylaı dep jazady: "
Qaýipsiz damyǵan el qaıda Mınıstr Qasymov myrza?!
Taǵy bir juldyzymyzdy saqtap qala almadyq.
Aına urlaǵan beısharalar, chempıonymyzdan aıyrdy.
Otyz damyǵan elge kirgen Qazaqstan óz halqynyń qaýipsizdigin saqtaı almaı otyr.
23 mıllıonǵa paıdasyz tıyn, músin qoıǵanǵa usta bizdiń sorly bılik.
Polısıa jemqorlyqqa toly, aqsha bergen qylmys ashylady, aqsha bermeseń sol kúıi jabyq turady. Adamnyń ómirin tıyn kórmeıdi bizdiń el. Barlyq dvorlarǵa kamera ornatyp qoıýǵa bolatyn edi, biraq bizdińkiler ol aqshany ofshor arqyly shet el asyryp otyr. Men bundaı elde turǵym kelmeıdi. Halqynyń qaýipsizdigin saqtaı almaıtyn bılik kimge kerek qurmetti Elbasy?
Mınıstrdi otstavkaǵa jiberetin ýaqyt keldi.
Adam óltirgender, urǵandar bostandyqta,
Taýyq urlaǵandar temir tordyń artynda otyr osy shirigen júıeniń arqasynda!
Rýhanı jańǵyrý qashan bolady?
Ol úshin taǵy qansha halyq ólý kerek?
Jazyqsyz ólgen adamdardyń qany senderdiń moıyndaryńa!
Qanisherler, árbir jazyqsyz ólgen adam úshin, osy ómirde urpaqtaryń jaýap bersin!"
Jeli qoldanýshylary QR İshki ister mınıstriniń otstavkaǵa ketýin talap etýge baılanysty, tipti, daýys berý júıesin de qosyp qoıǵan.
"İshki ister qyzmetine keleıik. Qalmuhanbet Qasymovtyń osy ornynan tapjylmaı otyrǵanyna 7 jyldan asyp barady. Osynshama ýaqyttyń ishinde ishki ister salasynda qandaı reforma jasaldy? Túk te jasalǵan joq! Kerisinshe, elimizdiń jer-jerinde polısıa tarapynan jasalatyn jemqorlyq, zań buzýshylyqtar men bylyqtar kóbeıip ketti. Tipti, ishki ister mınıstrligin bylaı qoıǵanda, Q.Qasymovpen týystyǵyn alǵa tartqandar Almaty oblysynyń túrli aýdandarynda qonyshynan basyp júr. Bir Talǵar aýdanyn mysalǵa alsaq. 2007 jyly Úkimet arnaıy Qaýly shyǵaryp, Talǵar aýdanyna qarasty tabıǵaty kórkem Soldatsaıdan "Naýkograd" salý úshin 100 gektar jer bóledi. Bul joba Almaty oblysynyń "Serpindi jobasyna" da endi. 2009 jyly álgi 100 gektar jerde ǵalymdar men stýdentter (barlyǵy 10 myń adam) turatyn qalashyqtyń ınfraqurylymyn jasaqtaýǵa "Qazmunaıgaz" ulttyq kompanıasy 5 mlrd dollar bóledi. Biraq "Naýkogradty" salýǵa muryndyq bolǵan Búrkitbaev sol jyldary sottalyp ketedi de, is aıaqsyz qalady. Álbette, sot 100 gektar jerdi Talǵar aýdanynyń balansyna qaıtarady. Sonymen, úlken dabyramen bastalǵan serpindi joba serpilmegen kúıinde joq bolady. Bul da eshteńe emes. Dabyra basyla salysymen, 2013-2014 jyldary Soldatsaıdaǵy 100 gektar qoldy bolyp ketedi. Talǵar aýdany máslıhatynyń burynǵy tóraıymy Raıa hanymnyń aıtýynsha, "joǵalǵan jer" sol kezdegi Talǵar aýdanynyń ákimi Raıhan Sadyqovanyń týystary arqyly "kelmeske ketken" kórinedi. Al Raıhan Sadyqova bolsa - ishki ister mınıstrimen jaqyn týys bolyp shyǵady. Raıhan Sadyqova aýdandy basqarǵan jyldary Talǵar aýdanyna qarasty Belbulaq, Tuzdybastaý, Taldybulaq aýyldarynda aryqtar buzylyp, tereń saılar kómilip, satylyp jatty. Tabıǵı joldary bitelgesin, qazir sol aýyldardy jylda sý shaıady. Tipti, Taldybulaqta zıratqa baratyn joldy da jaýyp, adamdar úı salyp alǵan. Aýdanda bir ýchaske eki qujattan úlestirilip, sonyń kesirinen turǵyndar áli bir-birimen sottasyp júr. Menińshe, qazirgi ishki ister mınıstri de bul qyzmetke laıyq emes!" - deıdi jýrnalıs Toqtar Jaqash.
