Memleket basshysy Nursultan Nazarbaev Bas prokýror Q.Qojamjarovqa jáne İshki ister mınıstri Q.Qasymovqa Qazaqstannyń eńbek sińirgen sport sheberi Denıs Tenniń ólimine baılanysty isti erekshe baqylaýǵa alýdy, sondaı-aq tergeý sharalarynyń egjeı-tegjeıli ári obektıvti júrgizilýin qamtamasyz etýdi tapsyrdy. Prezıdent ákimshiliginiń basshylyǵyna tergeý barysyn turaqty baqylaýda ustaý tapsyryldy. 

Bul týraly Qamshy.kz aqparat agenttigi Aqordanyń baspasóz qyzmetine silteme jasap habarlaıdy. 

Aıta keteıik, Qazaqstandyq chempıondy ury ári qandyqol qylmysker Qurmanǵazy men Báıseıitov kósheliriniń qıylysynda pyshaqtap ketken edi. Sonyń saldarynan Denıs 3 lıtrge jýyq qan joǵaltty. Dárigerler onyń ómirimen 2 saǵat boıy arpalysty, alaıda nátıjesiz boldy. Juldyz bir sátte sóndi de qaldy.