Ata-ana baıqus shyryldap qaldy. Árıne "ananyń kóńili balada, balanyń kóńili dalada". Kúni keshe ǵana jelini Denısti óltirdi degen kúdikti N. Qıasovtyń ata-anasy, týystary balama jala jabyldy degen vıdeo jaýlady. Ár ata-anaǵa óz balasy áppaq, mamyq. 
Degenmen, aýyldastary "Nuraly mektepte buzyq boldy, kolejde júrgende birneshe ret kólik shaǵyp, tártipsizdikpen kózge tústi. Qaǵynyp júrýshi edi, mine uryndy" deıdi. Kim bilsin, bizdiń tilek naqaqtan naqaq qazaqtyń balasy kúıip ketpesin!
Almatyǵa arman izdep jyl saıyn qansha jastar keledi. Iá, arman qala kóshine ilese almaǵandardy jalmaýyzdaı jutyp jiberedi. Kóshege bir shyqqanda 100 000 teńge  alsań 100 myń, 10 myń alsań 10 myń teńge ketedi. Ótkende bir qyzdyń fotosyn saldym, "Magnýmǵa" kelýshilerdiń sómke, ámıanyn alyp qashyp daǵdylanǵan. Vıdeoǵa túr-kelbeti anyq tústi qazaqtyń jap-jas qyzy. Ony da báz bir ata-ana "bizdiń qyz Almatyda jumys isteıdi, bizdi asyraıtyn osy" dep marqaıyp otyrǵan shyǵar? Myna fotodaǵy jigit te bireýdiń mápelep ósirgen asyqtaı uly. Keshe tapa-tal túste Aqsaıdaǵy kólikten aqsha, qujat toly sómkeni urlap qashty. Sol sıaqty qansha qyz-jigit aýylǵa qaıtý ornyna túrli jolmen "nápaqasyn" taýyp júr. "Domrabotnısa" tanysym aıtady "men buryn jezókshelerdi erekshe dep oılasam kádimgi aýyldyń qyzdary eken ǵoı. Sheftyń úıin jınaımyn, kúnara bir jas qyz kelip ketip jatady. Jáı ánsheıin kóshede kórip júrgen qyzdar. "Inogorodnıe" ǵoı aqsha kerek olarǵa" dep jymyńdaıdy shef degen áńgimesin jetkizdi.
Shyndyǵynda, Almaty, Astana synda úlken shaharǵa esh mamandyqsyz jumys izdep ketken ul-qyzyńyzdyń turyp jatqan jerine sońǵy ret qashan bardyńyz? Páter ıesi, kórshilerden qandaı dep suradyńyz ba? Balańyzdyń jumys adresin bilesiz be? Kimmen turyp, qandaı sharýamen aınalysyp júrgeninen habardarsyz ba? Onda kesh emes, qal-jaıyn eskertpeı bilip qaıtyńyz! Qarǵa da balasyn áppaǵym deıdi?

Gúlmıra Ábiqaıdyń feısbýk paraqshasynan