20 naýryz. Qamshy.kz - Qazaqstan Respýbılkasyndaǵy barlyq bılik basynda otyrǵandarǵa  Memlekettik tilden emtıhan tapsyrý mindettelýi tıis, - dep esepteıdi belgili zańger Almas Jumaǵalı.

"QR Prezıdenttigine úmitkerlerge memlekettik tilden synaq tapsyrý mindettelgen. Alaıda Úkimet basyndaǵylar, mınıstrler, generaldar  men prokýrorlar, konstıtýsıalyq keńes músheleri men qos palata spıkerleri memlekettik tilden emtıhan tapsyrmaıdy. Bul óz kezeginde memleket basshysyna qosymsha synaqtar júktelgendigin kórsetedi. Al basqa joǵary mánsapty sheneýnikter mundaı synaq tapsyrmaıdy. Demek, olarǵa memlekettik tilden jeńildik berilgen. Olardan eshkim synaq almaıdy. Olardyń memlekettik tildi qanshalyqty meńgergenin eshkim baqylap otyrǵan joq",- deıdi zańger Almas Jumaǵalı.

Zańgerdiń aıtýynsha, Qazaqstannan basqa birde-bir memlekettiń tájirbıesinde Prezıdenttikke úmitkerlerden  memlekettik tilden synaq qabyldaý degen atymen joq eken.

"Mysaly, Premer-mınıstr Kárim Másimov birneshe JOO-nyń bitirgen, ǵylym doktory, aǵylshyn, qytaı, arab tilderin erkin meńgergen. Biraq, Ol jáne Ol basqaryp otyrǵan Úkimettegiler QR memlekettik tili-qazaq tiline kelgende shorqaq. Eger birinshi synyptyń oqýshysy bir mınýtta qazaq tilinde 60 sóz oqysa, oǵan tómen baǵa qoıylady. Al birneshe JOO bitirgen, ǵylym doktory bir mınýttyń ishinde qazaq tilinde 60 sózdi oqı almasa, ony Premer-mınıstr etip taǵaıyndaıdy. Osy qanshalyqty durys",-deıdi Almas Jumaǵalı myrza.

Shynymen de, memlekettik tilge shorqaq shendilerdiń "memlekettik til - qazaq tilin" qanshalyqty meńgergenin qadaǵalaıtyn jannyń tabylmaǵany ma?

Osyǵan deıin Ulttyq banktiń burynǵy basshysy bolǵan G. Marchenko jýrnalıserge "al, ne istep alasyń" degendeı emeýrin tanytyp, "qazaq tilin úırenip júrgen joqpyn" dep doq kórsetkeni áli kúnge esterińizde bolar.

"SkifNews.kz" ınternet-gazetine bergen suhbatynda zańger Almas Jumaǵalı QR qazirgi SİM Erlan Ydyrysovtyń da memlekettik tildi bilmeıtinin synǵa alǵan.

"Qazaq eliniń ımıjin qalyptastyratyn mınıstrliktiń basshysy Erlan Ydyrysov "mıymdy aýystyrmańdar, qazaq tilin úırene almaımyn" degen bolatyn. Sonda Memlekettiń tilin mindetti túrde bilý asa joǵary mártebeli qyzmetkerlerge qoıylatyn talaptardyń qatarynda joq pa? Sonda olarǵa Prezıdentten artyq quqyq berilgen be?",- deıdi Almas Jumaǵalı.

Nurzat Toǵjan