Talǵar aýdanyndaǵy jantúrshigerlik qylmys polısıa qyzmetkerlerin dúrliktirdi. Almaty oblystyq İİD aýdandaǵy kafe mańynda bolǵan ólimge qatysty tergeý jumystaryn bastady. Bul týraly tengrinews.kz portaly habarlady. 

28 shildede Talǵar aýdandyq aýrýhanasyna pyshaq jaraqtymen ári oq atylǵan eki er adam túsken edi: Aıbek Kópjasarov pen Jasulan Táttibaev. Kóp uzamaı Jasulan Táttibaev qaıtys bolǵan edi.

Aǵasy Erlan Táttibaev istiń mán-jaıyn ashyp berýge tyrysty:

«Biz kafede otyrǵan edik, ol da (kúdikti) sonda boldy. İnim ekeýi bir-birin bala kúnnen tanydy, bir aýylda ósti. Ol Jasulannan temeki surap keldi, inim «joq» dep jaýap berdi. Bári sodan bastaldy. Ol ketip qaldy da, bir top er adamdarmen qaıtyp keldi. Sóıtip inimdi syrtqa alyp shyqty.

Bir ýaqytta atys boldy. Maǵan pyshaq suqty. Al inime qalaı oq atylǵanyn óz kózimmen kórdim. Ony aýdandyq aýrýhanaǵa jetkizdi, kóp mólsherde qa joǵaltqannan kóz jumdy. 13 jerinen pyshaqtaǵan, oq atqan. Ǵımaratta 20-ǵa jýyq adam boldy, ıaǵnı kýágerler kóp. Biz Talǵar aýdandyq ishki ister bólimine aryz jazdyq», - dedi aǵasy Erlan Táttibev.

Marqum Jasulan Táttibaevtyń týystary oblystyq İİD men Talǵar aýdanynyń prokýroryna aryzdanypty. Buǵan qosa bas prokýror Qaırat Qojamjarovtyń da nazaryn ózderine aýdarýǵa tyrysýda. Anyqtalǵandaı, 99 («Adam óltirý») jáne 293 («Buzaqylyq») baptary boıynsha kúdiktiler qamaýda otyr, tergeý jalǵasyp jatyr.