AQSH prezıdenti Donald Tramp Reuter agenttigine suqbat berdi. Suqbatta Tramp álemdik saıası jáne ekonomıkalyq máseleler men dollardyń baǵamy týraly pikir bildirdi dep habarlaıdy Qamshy.kz aqparat agenttigi. Atalǵan suqbatta Tramp túrkıalyqtardyń dollarǵa qatysty is-áreketin óte aıanyshty dep baǵalady.

«Qazir men bul memleketti aıaımyn. Olardyń dollarǵa qarsylyq bildirýi jáne AQSH elshisin qamaýǵa alýy óreskel qatelik boldy. Endi sheginýge jol joq. Al AQSH elshisi Branson bizdiń patrıotymyz bolyp qala bermek. Túrkıanyń ekonomıkalyq jaǵdaıy meni alańdatpaıdy jáne maǵan esh qatysy joq.  Ázirge sanksıa máselesi týraly naqty pikir bildirmeımin. Men Túrkıany jaqsy kóremin! Túrkıadaǵy qarapaıym halyq maǵan unaıdy. Erdoǵanmen de jaqsy saıası qarym qatynasta bolǵanbyz, biraq bul birjaqty kelissózdiń bolatynyn bildirmeıdi», — deıdi Tramp.

Suqbat barysynda Donald Tramp túrik lırasynyń 38%-ǵa qunsyzdanǵanyn eskerte ketti. Sonymen birge Katar men Túrkıanyń ózara valúta aıyrbastaý týraly kelisimi Erdoǵan úshin qýanyshty jańalyq ekenin, alaıda bul qýanyshtyń uzaqqa sozylmaıtynyn aıtty. Sebebi aldaǵy ýaqytta dollar baǵamynyń jan jaqty qyspaqqa alýy Erdoǵannyń qýanyshyn sý sepkendeı basady-mys.