Kezdesý barysynda Qazaqstan Prezıdentine ulttyq kompanıanyń birinshi jartyjyldyqtaǵy qyzmetiniń negizgi qorytyndylary men aldaǵy josparlary jóninde málimdeldi, dep habarlaıdy Qamshy.kz aqparat agenttigi Aqordaǵa silteme jasap.

Nursultan Nazarbaev «QazMunaıGaz» aksıonerlik qoǵamy munaı-gaz jobalarynyń bárine qatysatyn Qazaqstandaǵy iri óndiris holdıńterdiń biri ekenin atap ótip, energetıka sektoryn odan ári damytý úshin kompanıanyń áleýetin paıdalaný qajettigin aıtty.

– Búginde «QazMunaıGaz» belgili bir damý deńgeıine jetti jáne qurylymdy ońtaılandyrýdy, tehnologıalyq úderisterdi sıfrlandyrýdy, IPO-ǵa shyǵýǵa ázirlik barysyn qamtıtyn transformasıa kezeńin bastan ótkerýde, – dedi Qazaqstan Prezıdenti.

Saýat Myńbaev Memleket basshysyna energıa resýrstaryna degen álemdik baǵanyń kompanıa tabysyna áser etýi turǵysynan munaı naryǵyndaǵy ahýal jóninde baıandady.

Kezdesý qorytyndysy boıynsha Elbasy birqatar naqty tapsyrma berdi.