25 naýryz kúni Ýkraınanyń Borıspol áýejaıyna alǵashqy 10 HMMWV markaly amerıkalyq brondalǵan áskerı kólikter jetkizildi, dep habarlaıdy "Qamshy" portaly Ýkraına prezıdentiniń baspasóz qyzmetine silteme jasaı otyryp. AQSH áýe-áskerı kúshteriniń ushaǵy arqyly jetkizilgen tehınkalardy Ýkraına prezıdenti Petr Poroshenko ózi qarsy alǵan. AQSH úkimeti Ýkraınaǵa kómek retinde barlyǵy 230 brondalǵan HMMWV áskerı kólikter jetkizýdi josparlap otyr. Keıbir málimetterge qaraǵanda, 1 kólikten tıelgen taǵy eki ushaq sáýirdiń basyna deıin Ýkraına terıtorıasyna jetkiziletin bolsa, qalǵan 200 kólik 45 kúnniń ishinde ákelinedi dep kútilýde.
Petr Poroshenko, Ýkraına prezıdenti: - Men óz atymnan jáne Ýkraına halqy atynan Amerıka qurama shtattaryna jáne oni prezıdentine Ýkraınanyń shyǵysyndaǵy, Donbasstaǵy janjaldarǵa baılanysty turaqty pozısıasy úshin alǵys aıtqym keledi. Biz bul memleketaralyq janjaldy beıbit jolmen sheshýge qansha árekettengenimizben, bizdiń qarsylastarymyz aradaǵy kelisimderdi jıi buzyp otyr. Úlken janjalǵa, soǵys áreketine bizdiń áskerı qýatymyz kemshil bolmaq. Sondyqtan AQSH jáne basqa da múddeles elderdiń áskerı tehnıkalaryna muqtajbyz. Osy maqsatta alǵashqylardyń biri bolyp AQSH úkimeti kómek qolyn sozyp otyr.
https://youtu.be/982CC9Lr3Os
Nurzat Toǵjan
