Aqtóbede №19 mekteptiń bitirýshi túlegin óltirdi degen «Altyn belgi» ıegerine Beknazǵa qatysty sot otyrysy ótti. Polısıa qyzmetkeriniń uly tamaǵyna tıgen pyshaq soqqysynan keıin qaza tapqan dep jazady Qamshy.kz aqparat agenttigi aktobetimes.kz saıtynyń deregin negizge alyp.
31 tamyzda osy iske qatysty aldyn ala sot tyńdaýy ótken bolatyn. Sot otyrysynda kúdikti K.Beknazǵa alqıbıler alqasyn paıdalaný usynylǵanmen ol odan bas tartty. Sottalýshynyń zańgeri sot otyrysynda eki qyz ben synyptastaryn qylmystyq is boıynsha ambýlatorlyq kartaǵa tirkeý arqyly shaqyrýdy surady. Beknaz tóbeles kezinde jaraqat alǵanyn jáne muǵalim men oqý isiniń meńgerýshisinen óziniń sıpattamalaryn alyp, áleýmettik jelide sońǵy ret kimmen sóıleskeni, telefon jazbasyn sot isine qosýdy surady.
Eske salsaq № 19 mekteptiń oqýshysy Azat Dúsipov 17 maýsymda «Aqtóbe» - «Ordabasy» fýtbol oıynan keıin óltirilgen.
Azattyń dostarynyń aıtýy boıynsha, jábirlenýshi men kúdikti de sol kúni Ortalyq stadıonda bolǵan, biraq birin-biri tanymaǵan. Ekeýiniń arasyndaǵy kıkiljiń túngi saǵat 12 shamasynda Túrgen kóshesiniń boıyndaǵy jataqhana ǵımaratynyń artynda bolǵan. Tóbeles bolǵan jerde baqylaý kameralary bolmapty..
Tamaqqa tıgen pyshaqtan 17 jastaǵy mektep túlegi Oblystyq klınakalyq balalar aýrýhanasynda qaıtys bolǵan.
K.Beknazǵa týǵan kúni 8 tamyzda aıyp aktisi tapsyryldy. Oǵan QR Qylmystyq kodeksiniń 99-babynyń 2-bóligi, 9 jáne 14-tarmaqtary boıynsha («Kámeletke tolmaǵan adamdy buzaqylyq nıetpen óltirý») aıyp taǵyldy. Kinási dáleldense, osy bap boıynsha 15 jyldan 20 jylǵa deıin nemese ómir boıyna bas bostandyǵynan aıyrý jazasy qoldanylady.
Sonymen birge marqumnyń ákesi Aqtóbeniń polısıa qyzmetkeri bolyp jumys isteıtini sotta aıtyldy. Basty sot otyrysy 2018 jyly 3 qyrkúıekte ótedi.
