Jol aqyny QR-kodpen tóley «SMSBus Jolayshy», «My Beeline» (eger Beeline abonenti bolsańyz), Homebank (eger sizde Halyk Bank jáne Qazkom kartalary bolsa) mobıldi qosymshalary arqyly júpgiziledi.
Úsh qosymshanyń birin smartfonnan ashyńyz da, avtobýs salonyndaǵy QR-kod japsyrmasyn izdep tabyńyz. QR-kodty skanerlegen soń, qosymshadaǵy nusqaýlyqtardy oryndańyz. Tólemdi rastaǵan soń, telefon nómirińizge elektrondy chegi bar SMS-habarlama keledi.
Homebank arqyly tólegende elektrondy túbirtekti https://smsbus.kz/bilet saıtynan júktep alý qajet. Onda telefon nómirińizdi engizip, kilt sóz retinde kartańyzdyń sońǵy tórt sıfryn jazsańyz bolady.
Jańa tólem júıesi ázirge belgili bir baǵyttaǵy avtobýstar men avtoparkterge engizilgen. Al qyrkúıektiń 10-nan keıin barlyq avtoparkterde osy tólem júıesiniń tolyq iske qosylýy josparlanýda.
«Qazirgi ýaqytta QR-kodtary arqyly jol puly №1 avtoparktiń 30 baǵytta júretin, 400-ge jýyq qoǵamdyq kóliginde ornatylǵan» – deıdi Astana LRT kompanıasynyń baspasóz hatshysy Naýat Azanbaeva.
Aqsha sizdiń telefon teńgerimińizden nemese bank kartańyzdan alynady. Bul sizdiń «SMSBus Jolaýshy» qosymshasyna qandaı parametrdi ornatqanyńyzǵa baılanysty bolady. Eger Homebank qosymshasyn qoldansańyz aqsha banktik kartańyzdan alynady, al «My Beeline» qosymshasy arqyly óteıtin bolsańyz nómirińizdiń teńgeriminen shegeriledi.
Sondaı-aq, Tele2 jáne Altel abonentteri Halyk Bank (Qazkom) klıentteri bolǵan jaǵdaıda Homebank qosymshasyn qoldana alady.
Aıta ketelik, SMS arqyly jol pulyn tóleý qyrkúıek aıynyń ortasynda múmkin bolady.
Ár avtobýsta kólik kody bar japsyrma bolady. SMS joldaý arqyly jol aqysyn tóleý úshin 2505 nómirine avtobýs kodyn kórsetip habarlama jiberesiz.
Mysaly, 11001. Munan keıin sizge elektrondy túbirtek keledi. Onda tólemniń quny, qoǵamdyq kóliktiń nómiri, tólem jasalǵan ýaqytty kóre alasyz.
Sonymen qatar, qosymsha arqyly ózge jolaýshyǵa da jol aqysyn tóleýge bolady. Ol úshin siz tek qosymshaǵa ózge jolaýshynyń nómirin engizseńiz jetkilikti.
SMS arqyly jol aqysy engizilgennen keıin Beeline abonenti óziniń «Jol aqysy – 1 teńge» aksıasyn jolaýshylarǵa usynbaqshy. Al qalǵan 89 teńge atalǵan kompanıa shotynan óteletin bolady.
Aksıa aǵymdaǵy aıda bastalyp, aıdyń sońyna deıin jalǵasady. Ári qaraı 2018 jyldyń aıaǵyna deıin ár dúısenbide osyndaı júıe jumys jasap turady. Naqty iske qosý kúnderi qosymsha habarlanady.
