26 sáýirde ótetin kezekten tys Prezıdent saılaýyna shet elderden jáne halyqaralyq uıymdardan baqylaýshy bolyp qatysatyn táýelsiz-halyqaralyq 48 sarapshyǵa akredıtasıa berildi. Bul týraly "Qamshy" portaly OSK baspasóz qyzmetine silteme jasaı otyryp habarlaıdy. QR OSK men SİM birlesip, 28 naýryz kúni 48 shet eldik jáne halyqaralyq uıymdardan keletin baqylaýshylarǵa akredıtasıadan ótkendigin rastaıtyn kýálik berý týraly qaýlyny qabyldaǵan. SİM aqparatynda kórsetilgendeı, akredtelgen halyqaralyq baqylaýshylar 9 memleketten jáne 1 halyqaralyq uıymnyń atynan keledi dep kútilýde. Sondaı-aq, Norvegıa koróldiginen - 4 adam, Avstrıa Respýblıkasynan - 3 adam, Serbıa Respýblıkasynan - 3 adam, Bolgarıadan - 2 adam, Lıtvadan - 2 adam jáne Ulybrıtanıa, Soltústik Irlandıa, Vengrıa, Latvıa, Slovakıadan bir-bir ókiletti tulǵalar jáne EQYU-ǵa múshe 18 memleketten 30 baqylaýshy kelip qatysatyny belgili boldy. Barlyq akredtelgen baqylaýshylarǵa kýálikter tabystalady. Osyǵan deıin, OSK baspasóz qyzmeti EQYU jáne TMD uıymdarynan 83 halyqaralyq táýelsiz-baqylaýshylar qatysatynyn, al 19 memleketten 98 BAQ ókilderi akredetasıalaýdan ótkendigin málimdegen bolatyn. Eske sala ketıik, 26 sáýirde ótetin kezekten tys Prezıdent saılaýyna qatysýshy kandıdattardyń saılaýaldy úgit-nasıhat jumystary bastalyp ketken. QR Prezıdent saılaýyna 3 úmitker tirkelilgen. Olar: qazirgi Prezıdent Nursultan Nazarbaev, Komýnıstik partıa atynan túsken Turǵan Syzdyqov penÁbilǵazy Qusaıynov. Nurzat Toǵjan
