Oskar syılyǵyna usynylǵan «Aıka» fılmi keri qaıtaryldy. QR mádenıet jáne sport mınıstri Arystanbek Muhamedıuly munyń sebebin túsindirdi, dep jazady Qamshy.kz aqparat agenttigi.

Mınıstrdiń aıtýynsha, «Aıka» kórkem fılminiń rejıseri Sergeı Dvorsevoı Reseı azamaty eken. Alaıda Qazaqstanda týyp ósken.

«Fılmniń basty prodúserleriniń biri – ol Qazaqstannyń azamattyǵy bar Gúlnár Sársenova jáne basty rólde oınaǵan Samal Eslámova da Qazaqstan azamaty. Iaǵnı týyndyny Qazaqstandiki dep aıta alamyz. Degenmen Oskar syılyǵyna usynǵan kezde ótpeı qaldy», - dedi Muhamedıuly.

Al Oskar syılyǵynyń talaptaryna sáıkes fılmdegi akterlerdiń 50 paıyzy óndirýshi eldiń azamattyǵynda bolýy tıis. Talaptardy saralaý barysynda Dvorsevoı men ilespe akterlerdiń  Qazaqstan azamattary emes ekeni kórsetilgen. Osyǵan oraı Qazaqstan tarapynyń ótinimine qoldaý jasalmady.

Aıta keteıik, "Aıka" áleýmettik dramasy Qyrǵyzstannan kelgen qyz jaıynda, ol Máskeýde bosanyp, balasyn perzenthanada tastaýǵa májbúr bolady, kartınada sol qyzdyń analyq sezimi men qaıǵy-muńy sýretteledi. Fılm bes kompanıanyń qoldaýymen túsirilgen: "Kınodvor" atty Sergeı Dvorsevoıdyń stýdıasy, sonymen qatar, Germanıanyń, Polshanyń, Qytaıdyń, Qazaqstannyń kompanıalary. 

Basty róldi somdaǵan amal Eslámova mamyrdyń aıaǵynda ótken 71-nshi Kann kınofestıvalinde úzdik aktrısa atandy.