Seýl áýejaıynda Almatyǵa Air Astana áýe kompanıasy jolaýshylar ushaǵynyń kestedegi ýaqytynan keshigip ushýyna kináli bolǵan Qyrǵyzstan eńbek jáne áleýmettik damý mınıstriniń orynbasary Zýýrakan Kadenova qyzmetinen bosatylǵan. Kadenovany otstavkaǵa jiberý týraly ókimge Qyrǵyzstan premer-mınıstri Mýhammedkalyı Abylgazıev qol qoıǵan dep habarlaıdy Qamshy.kz aqparat agenttigi Azattyqtyń deregin negizge alyp.
Buǵan deıin Ońtústik Koreıa áýejaıynda Almatyǵa baratyn ushaqtan jolaýshylardy túsýge májúr etken. Qyrǵyz parlamentiniń depýtaty Aıda Ismaılova Facebbok áleýmettik jelisindegi paraǵynda jolaýshylar ushaǵy «bizdiń bir mınıstrligimizdiń joǵary laýazymdy sheneýnigin qatty mas kúıinde ushaq salonynan túsire almaǵandyqtan» kestedegi ýaqytynan keshikken dep jazǵan.
Qyrǵyzstannyń Ońtústik Koreıadaǵy elshisi Kylychbek Sultanov ushaqta Zýýrakan Kadenovanyń bolǵanyn rastady.
"Elshilikke dıplomatıalyq pasporty bar azamatymyzdyń ushaqta mas kúıinde bolǵany jáne ushaqtar túskisi kelmegeni týraly aqparat tústi. Konsýl men taǵy bir qyzmetkerimiz áýejaıǵa shyqty. Bir-eki saǵatta olar áýejaıǵa jetken. Ol ushaqtan túspeı otyryp alǵandyqtan, olarǵa jolaýshylardyń bárin túsirip, qaıta tirkeýden ótkizýge týra kelgen. Ushaq keshigip ushqan", - dep habarlady Kylychbek Sultanov.
Qyrǵyzstan prezıdenti apparaty baspasóz qyzmetiniń jetekshisi Tolgonaı Stamalıeva Facebook áleýmettik jelisindegi paraqshasynda búgin ózine Seýldegi oqıǵaǵa baılanysty jýrnalıser habarlasyp, Kadenovanyń prezıdent Sooronbaı Jeenbekovke qatysy týraly suraǵanyn aıtty. «Ol [Kadenova] prezıdenttiń týysy emes ekenin resmı túrde habarlaımyz», - degen Stamalıeva.
Almaty áýejaıynyń resmı saıtyndaǵy aqparatta Air Astana áýe kompanıasynyń K-910 reısi Seýl áýejaıynan keshigip kelgeni aıtylǵan. Ushaq Almatyǵa kestede kórsetilgendeı jergilikti ýaqytpen 16:45 kezinde emes, 18:07-de qonǵan.
