Jaqynda áleýmettik jelilerde jurttyq jaǵasyn ustatqan taǵy bir beıne rolık paıda boldy. Atalmysh beıne rolıkte Taraz qalasynda ornalasqan jeke menshik balabaqshalardyń birine júk kóligine tıelgen tiri janýardy ákelip, artynan soıyp jatqany beınelengen.

"Instagram" jáne "You Tube" jelilerinde bul esektiń eti bolýy múmkin degen boljamdar aıtylýda. Al beıne rolıkte júk kóliginde esektiń kesilgen basy anyq beınelengen.

Esektiń etinen taǵamdar daıyndady degen kúdikpen jeke menshiktegi  "Aneta" balabaqshasynda tarazdyq quqyq qorǵaý qyzmetkerleri arnaıy tekserý júrgizýde.

"Iá, biz qazir balabaqshada tekserý jumystaryn bastap kettik. Quzyrly mekemeler qazir balabaqshada. Bizge balabaqshaǵa esektiń eti ákelingeni beınelengen beıne rolık pen birneshe ata-anadan shaǵymdar kelip tústi. Sanepıdemıologıalyq mekeme qyzmetkerleri balabaqshada tárkilengen ettke saraptama jasaýda. Saraptama qorytyndysy qolymyzǵa tımeı turyp, bálendeı eshteńeni kesip aıta almaımyz",-deıdi prokýror Baǵlan Teleýov.

Al balabaqsha dırektory ol jerge ákimshilik qyzmetkerleri men prokýrotýradan kisiler kelip, tekserý júrgizip jatqanyn aıtqan. "Bul montaj. Barlyq qujattar meniń qolymda tur. Bul básekelesterimizdiń arnaıy arandatý úshin jasap otyrǵan áreketi bolýy múmkin",-deıdi balabaqsha dırektory.

Onyń aıtýynsha, beıne rolıkte esektiń etin montaj kezinde ádeıi qosyp jibergen-mys. "Atylmysh vıdeo áleýmettik jelilerge tarap ketken soń, ata-analarmen birge kelip, balabaqsha asqanasyn teksergenbiz. Ol jerde eshqandaı da esektiń eti bolmaǵan. Biz óz balabaqshamyzǵa syıyr etin ákelemiz. Bizdiń balabaqshada únemi syıyr etinen taǵamdar daıyndalady. Esektiń eti degen qańqý, arandatý úshin jasalyp otyr",-deıdi dırektor Valentına Isabaeva.

Esterińizde bolsa, osyǵan deıin Qyrǵyzstannyń mektepterinde esek etinen taǵam ázirledi degen kúdikti beıne rolık áleýmettik jeli tutynýshylarynyń arasynda qyzý pikir-talas týdyrǵan bolatyn. Sol kezde, qyrǵyzdan ákelinetin esek eti qazaq asqanalaryna jetkizilgen degen qańqý áńgimelerdiń sheti shyqqan edi. Alaıda, buǵan eshkim mán bermegen. Endi mine, Qaznette tarazdyq turǵyndardyń túsirilimi paıda boldy.

Esek etinen balalarǵa taǵam ázirledi degen kúdikke ilingen jeke menshiktegi "Aneta" balabaqshasyn 2011 jyly tarazdyq turǵyn Valentına Isabaeva ashqan bolatyn.

Nurzat Toǵjan