Elbasy Nursultan Ábishuly  Oralda ótken "Jastar forýmynan" keıin bir top sport jáne óner juldyzdarymen birge selfı jasady. Bul osymen Elasynyń áleýmettik jelilerge taralǵan úshinshi selfıi bolyp tirkeldi.

Forým barysynda Elbasymen birge selfı jasaǵan juldyzdardyń qatarynda Maıa maneza, Serik Sápıev, Sábına Altynbekova, Nurlan Qoıanbaev t.b. da bar. Bir qyzyǵy, Maıa Maneza men Serik Sápıevter uıaly telefonyna selfı jasaýdy uıǵarsa, Ilıa Ilın arnaıy fotoaparattyń kómegine júgingen. Elbasynan jastarmen birge selfı jasaýdy ádettegideı Ilıa Ilın ótingen. "Nursultan Ábishuly, esińizde me, men ótken joly selfı degen sýretke túsýdi ótinip em ǵoı. Endi sondaı sýretti Qazaqstan jastarymen birge jasasaq qalaı bolady?",-dep suraǵan Ilınge Elbasy "Saǵan bári bolady",-dep jymıǵan.

Bul osymen Elbasynyń úshinshi selfıi bolyp tirkelgen. Alǵash ret, on aı buryn, Aqordanyń resmı "Instagram" paraqshasynda Elbasy Nursultan Ábishuly Malaızıa premer-mınıstri Nadjıb Týn Razak myrzamen jasaǵan selfı sýreti jaryqqa shyqqan bolatyn. Odan Táýelsizdik kúni qarsańynda Elbasy aýyr atletıkadan 4 dúrkin álem chempıony, 2 dúrkin olımpıada chempıony Ilıa Ilınmen birge selfı jasaǵan edi.

Nurzat Toǵjan