Astanada «Amanat» ıntelektýaldy pikirsaıys klýbynda «Jańa aqparattaq saıasat» taqyrybynda kezekti otyrys ótti. Oǵan QR Prezıdenti janyndaǵy ortalyq komýnıkasıa qyzmetiniń resmı ókili Altaı Ábıbýllaev, «Habar agenttigi» AQ Basqarma tóraǵasy Aıdos Úkibaev, «Nur Otan» HDP hatshysy Erlan Qarın, belgili jýrnalıs Dáýren Qýat jáne basqa da BAQ ókilderi qatysty. Onda Memlekettik hatshy Marat Tajınniń tóraǵalyǵymen ótken aqparattyq saıasattyń ózekti máseleleri jónindegi keńesinde kóterilgen problemalar keńinen talqyǵa tústi. Sondaı-aq, qazaq tildi ınternet salasyna qatysty tyń tezıster men kreatıvti bastamalardy júzege asyrýdyń túrli joldary men baǵyt-baǵdarlary jaıynda órbigen áńgime óte tartysty ótti. - Aqparttyq tehnologıa qaryshty damyǵan búgingideı zamanda, qazaq jýrnalıseriniń jańa saıasatqa jedel beıimdelý joldaryn taldap, tarazylaýdy jón kórdik, - deıdi klýb jetekshisi Berik Ýálı óz sózinde. Baq.kz