«Forýmǵa 16 eldiń ókilderi shaqyrylǵan. Reseı, Ýkraına, Japonıa, Nıderlandy, Túrkıa, Shveısarıa, Avstrıa, Belgıa, Polsha jáne taǵy da basqa birqatar elderdiń degegattary,  Indýstrıa jáne jańa tehnologıalar mınıstri Áset Isekeshev jıynǵa qatysady dep josparlanǵan. Forým Qyzylorda qalasynda ǵana emes, Baıqońyrda da uıymdastyrylady. Alǵashqy kúni plenarlyq otyrystar, al ekinshi kúni degegattar Baıqońyrda bolyp, ekskýrsıa jasaıdy, týrısik salany damytý máselelerin talqylaıdy. «Eýropalyq damý jáne qaıta qurý banki, Eýrazıalyq damý banki, «Samuryq- Qazyna» AQ sıaqty ınstıtýttar forýmda bas qosady. Bıznes ókilderi, mınıstrlikter men sheteldik ınvestorlar pikir almasady. Bizdiń oblys sheteldik ınvestorlardyń qyzyǵýshylyǵyn týdyra alatyn birneshe jobalardy usynýǵa daıyn. Aımaqta kóptegen paıdaly qazbalar bar. Sondyqtan, óńdeý, qaıta óńdeý ónerkásibi, týrızm, aýyl sharýashylyǵy men basqa da salalarǵa ınvestısıa men jańa tehnologıalar tartýdyń mańyzy zor»,−  dedi basqarma bastyǵy.