Batys Qazaqstan oblysynda «Nur Otan» partıasynyń qoldaýymen, Mádenıet mınıstrligimen birlese otyryp onlaın-kitaphana aylayn bolady dep jazady Qamshy.kz aqparat agenttigi. Bul týraly «Nur Otan» partıasynyń hatshysy Qanybek Jumashev oblystyq máslıhattyń májilis zalynda «Nur Otan» partıasy Batys Qazaqstan oblystyq fılıalynyń kezekti XXİİ esep-berý saılaý konferensıasynda málimdedi.
Atalmysh konferensıaǵa «Nur Otan» partıasynyń hatshysynan bólek, Saıası keńestiń músheleri, partıa ardagerleri, oblystyq maslıhattyń depýtattyq fraksıa músheleri, atqarýshy organ basshylary, bastaýshy partıa uıymdarynyń tóraǵalary men aýdandyq fılıaldar tóraǵalary qatysty.
Esep berý saılaý konferensıasynda oblys ákimi Altaı Kólginov sóz bastap, baıandama jasady. Keıin Altaı Kólginov partıanyń oblystyq fılaly tóraǵasynyń birishi orynbasary Serik Súleımenge sóz kezegin berdi. Serik Súleımenov baNdama barysynda kún tártibinde turǵan ózekti máseleleimen qatar halyqtyq uıymǵa aınalǵan «Nur Otan» partıasy baıandy bastamalarǵa qoldaý kórsetip, árdaıym ekonomıkalyq, áleýmettik jáne saıası salalardaǵy Elbasy saıasatyn ilgeriletýdegi isterdiń uıytqysy bolyp júrgenin atap ótti.
Ol baıandama barysynda, «Nur Otan» partıasy oblystyq fılıaly boıynsha partıa qatarynda 34 128 múshe bar ekenin aıtty.
«Olar 275 bastaýysh partıa uıymyna biriktirilgen. 3354 múshe partıa qataryna qabyldanǵan. Partıanyń saılaýaldy baǵdarlamasynyń baǵyttary boıynsha sharalar josparǵa saı júrgizilip keledi. Esepti kezeńnen beri barlyǵy 68 komısıa otyrysy ótkizilip, onda 122 usynba qabyldanyp, tıisti memlekettik organdarǵa joldanǵan. Eki bastaýysh partıa uıymy respýblıkalyq konkýrstarynyń júldegeri atanǵan. Atap aıtsaq, 2016 jyly «Aksaıgazservıs» BPU 2-oryn alsa, 2017 jyly «Batysenergoresýrsy» BPU respýblıkalyq baıqaýdyń bas júldesine ıe bolǵan. – Aǵymdaǵy jyldyń 14-15 qarashasynda «Úzdik» BPU respýblıkalyq baıqaýyna Oral qalasynan «Iýnıserv» jáne Bókeıordasy aýdanynan «Taıyr Jarokov» bastaýysh partıa uıymdary qatysady. «Rýhanı jańǵyrý» baǵdarlamasynyń aımaqtyq jobalyq keńsesimen birlese «Týǵan jer», «Kıeli jerler geografıasy», «100 jańa esim», Qazaq tili álipbıin latyn álipbıine kóshirý baǵytyndaǵy jumystar óz retimen júzege asyrylýda. Bes bastamany baqylaý boıynsha oblysymyzda arnaıy Qoǵamdyq keńes quryldy. Búginde «7-20-25» baǵdarlamasy boıynsha turǵyn úı alýǵa 134 ótinim túsip, 104-i maquldansa, 81 oblys turǵyny baspanaly boldy. Bıylǵy jyldan bastap, partıanyń qyzmetin jańǵyrtý aıasynda «Rýhanı jańǵyrý», «Sıfrly Qazaqstan» baǵdarlamalaryn júzege asyrýǵa, shaǵyn jáne orta bıznesti qoldaýǵa baǵyttalǵan jańa 20 partıalyq joba iske asyrylýda. Partıanyń «Zamanaýı bilim ortalyqtary» jobasy aıasynda kitaphanalardy qazirgi zamanǵy kovorkıng jáne bilim ortalyqtaryna aınaldyrýdy qolǵa aldyq. Búginde oblysymyzda jastarǵa arnalǵan 7 kovorkıng ortalyq jumys jasaýda. Esepti jyldyń qorytyndysy boıynsha, depýtattar, memlekettik jáne quqyq qorǵaý organdarynyń basshylary 3841 qoǵamdyq qabyldaý ótkizip, qabyldaýǵa 6038 adam keldi. Onda 2143 azamattyń máselesiniń 35,5%-y ońtaıly sheshildi», – deıdi Serik Kenjebekuly.
Keıingi sóz tizginin partıanyń oblystyq fılıalynyń baqylaý tekserý komısıasynyń múshesi Ásel Qartqojaqova aldy. Ol óz baıandamasynda partıasynyń oblystyq fılıalyndaǵy baqylaý tekserý komısıasynyń 2017-2018 jyldar aralyǵyna atqarǵan jumystarynyń esebimen tanystyryp, jetkize bildi.
Al «Nur Otan» partıasynyń hatshysy Qanybek Jumashev óz kezeginde partıa tarapynan jasalyp jatqan irgeli isterge toqtalyp, mańyzdylyǵyn aıqyndap ótti. Sóz barysynda, jaqyn arada Mádenıet mınıstrligimen birlese otyrys onlaın-kitaphana ashylatynyn aıtyp, jıyndaǵylardy qýantyp tastady.
«Nur Otan» partıasy Partıa Tóraǵasy, Elbasynyń tapsyrmasyna sáıkes, eldegi áleýmettik jańǵyrý jumystaryna belsene qatysýda. Osy baǵytta jańa bastamalardy qolǵa aldy. Bul bastamalar partıanyń sıfrlandyrý saıasatyna qosqan úlesi bolmaq. Ashyqtyqty qamtamasyz etý, bilimpazdyqty nasıhattaý maqsatynda iske asyp jatqan jobalar kóp. Kitaphanalardy bilim taratý ortalyqtaryna aınaldyrý josparlandy. Shyny kerek, kóptegen kitaphanalar bos tur, kóp eshkim barmaıdy. Sony kovorkıng, bilim ortalyqtaryna aınaldyrýdy kózdeımiz. Qazir mundaı ortalyqtar on óńirde ashylsa, búginde osy óńirde jastarǵa arnalǵan 7 kovorkıng ortalyq jumys jasaýda. Partıanyń «Zamanaýı bilim ortalyqtary» jobasy aıasynda kitaphanalardy qazirgi zamanǵy kovorkıng jáne bilim ortalyqtaryna aınaldyrý qolǵa alynýda. Osy oraıda jaqynda Qazaqstan Jazýshylar odaǵymen kelisimshartqa turdyq. Zıaly qaýym ókilderin osy ortalyqqa tartamyz. Kovorkıng ortalyqtarynda qarasha aıynyń 5-inen keıin zıaly qaýym ókilderimen kezdesý ótkizetin bolamyz. Maqsat ómirlik tájirıbesin, jetken jetistikterin, jazǵan kitaptaryn, shyǵarmalaryn kórsetý, nasıhattaý. Bul partıanyń úlken áleýetteriniń biri. QR Mádenıet mınıstrligimen birlese otyryp, onlaın kitaphana ashamyz. Jyl sońyna deıin 10 myń kitap sıfrly formatqa aýdaramyz. Batys Qazaqstanda 5 mln. 697 myń kitap qory bar, 385 kitaphana jumys jasaýda eken. Onyń 83-i onlaın kitaphana júıesine qosylǵan. Búginde sıfrlandyrýǵa jatatyn 5 290 kitaptyń 3 259 kitap sıfrly formatqa aýdaryldy. Qalǵan 2 200 kitap birtindep aýdarylady. Mysaly, sıfrlandyrýdy nasıhattaý aıasynda aqysyz İT synyptar jáne İT ortalyq jobalaryn qolǵa aldyq. Bul jerdegi maqsatymyz – bilim berý úrdisine aralasyp, bilim berý baǵdarlamalaryna ózgerister engizý emes, fakúltatıvtik synyptar esebinen aqysyz balalardyń kompúterlik saýattylyǵyn, daǵdylaryn damytýǵa mán bergimiz keldi. Shyn mánisinde, bolashaqta baǵdarlamashy bolmaýy múmkin, basqa mamandyqty tańdar, biraq jastaıynan aqparatty oılaý dáristerin úıretý kerek. Kez kelgen jańa tehnologıany meńgerýi kerek. Balanyń sanasynda aqparattyq tehnologıalarǵa degen jaqsy kózqaras, súıispenshilik qalyptasqany jón. Sóıtip ózderi tańdaǵan mamandyqqa aqparattyq tehnologıalar arqyly kelýge daǵdylanady. Al İT ortalyqtar jumyssyz jastarǵa arnalǵan joba. Jastardyń kompúterlik saýattylyǵyn ashýǵa qosymsha múmkindik týǵyzady. Óndiris ortalyqtary osyndaı ortalyqtar ashyp, jumysshylaryn saýattandyrady. Óıtkeni jańa tehnologıalar únemi ózgerýde. Bul proseske kez kelgen mekeme daıyn bolýy kerek. Qazir partıa músheleriniń sany 1 mln. 7 myńnan asty. Bastysy, sanǵa emes, sapaǵa kóńil bólemiz. Partıada memlekettik qyzmetshiler kóp degen teris pikir bar. Shyndyǵynda memlekettik qyzmetkerlerdiń úlesi 5 paıyz, – deıdi «Nur Otan» partıasynyń hatshysy Qanybek Jumashev.
Al konferensıa jumysyn qorytyndylap, baıandama jasaǵan oblys ákimi Altaı Kólginov memlekettik baǵdarlamalardy júzege asyrýda aldyńǵy shepte partıa músheleri turý kerektigin tilge tıek etti. Sonymen birge ol sóz barysynda baıandama tyńdaýǵa uzaq ýaqyt jumsaǵandaryn, atalmysh baıandamalardy onlaın taratqanda áldeqaıda yńǵaıly bolatynyn da atap ótti.
"Partıanyń sıfrlandyrý baǵdarlamasy qabyldandy. Biz ony júzege asyrýǵa kiristik. Sony aldymen ózimizden bastaýymyz kerek. Búgin baıandama tyńdaýǵa biraz ýaqyt jumsadyq. Sol baıandamalardy onlaın taratyp, onlaın daýys berýimizge bolar edi. Osy jumystardy qolǵa alý kerek. Sonda jıynda ózekti máselelerdi talqylaǵan bolar edik. Elbasy Joldaýynyń maqsaty – halyqtyń turmys sapasyn jaqsartýǵa, aımaqtaǵy máselelerdi sheshýge baǵyttaldy. Prezıdent óńirge saparynda shalǵaıdaǵy Bókeı Orda, Jánibek, Qaztalov aýdandarynyń jol máselesine kóńil aýdaryp, Úkimetke naqty tapsyrma bergen bolatyn. Keler jyldan bastap jumystar bastalady. Mine, bul turǵyndardyń jaqsy ómir súrýi úshin mańyzdy másele. Joldaýynda Elbasy aýyzsý máselesine basa nazar aýdardy. Aımaqtarda taza aýyz sý máselesi kún tártibinde tur. Keler jyly alys aýyldardy ortalyqtandyrylǵan aýyz sýmen qamtamasyz etýge 100 mlrd. teńge bólinedi. Ustazdar mártebesine kelsek, Elbasy muǵalimniń mısıasy tek balany oqytý, dárigerdiki emdeý ekenin aıtty. Qosymsha jumystar bolmaýy tıis. Sondyqtan olarǵa qolaıly jaǵdaı jasalady. Búgin mańyzdy máseleler talqylandy. Alda úlken josparlar tur, – dep sózin aıaqtady Batys Qazaqstan oblysynyń ákimi Altaı Seıdiruly.
Sultan Ábish
