«Nur Otan» partıasy Tóraǵasynyń Birinshi orynbasary Máýlen Áshimbaey «Nur Otan» partıasy Elbasynyń Joldaýynyń júzege asýyn baqylaýdy kúshetetinin aıtty. Bul týraly «Nur Otan» partıasy Tóraǵasynyń birinshi orynbasary Qyzylorda oblysyna arnaıy barǵan is sapary kezinde aıtty. Máýlen Áshimbaev atalmysh is sapar barysynda Memleket basshysy aıtqan tapsyrmalardyń oryndalýymen, aldaǵy josparlarmen tanysty.

Elbasy saıası keńestiń otyrysynda eldegi jetekshi saıası kúshke Bes áleýmettik bastamany iske asyrýmen qatar, turaqty qoǵamdyq baqylaý júrgizip otyrýdy tapsyrǵan bolatyn. Sonymen birge Nurotandyqtarǵa Nursultan Nazarbaevtyń «Qazaqstannyń ál aýqatynyń ósýi: tabys pen turmys sapasyn arttyrý» jańa Joldaýyna qatysty da osyndaı mindet júktelgen bolatyn.

İs sapar barysynda Máýlen Áshimbaev Qyzylorda oblysyndaǵy «7-20-25» baǵdarlamasynyń iske asyrylý barysymen de tanysqan bolatyn. Atap aıtar bolsaq, oblys ortalyǵynda Syrdarıa ózeniniń sol jaǵalaýyndaǵy qurylys barysyn qadaǵalap, salynyp jatqan kóp qabatty turǵyn úılerdi baqylady.

Máýlen Áshimbaevtyń aıtýy boıynsha, Elbasynyń Joldaýyndaǵy árbir usynystar men tapsyrmalarynyń strategıalyq mańyzy bar.

«Joldaýda Memleket basshysy qoǵamda qyzý talqylanyp júrgen eń ózekti áleýmettik máselelerdi qamtyp, olardy sheshý úshin naqty sharalardy usyndy. Atap aıtqanda, halyqtyń ál-aýqatyn arttyrý, turmys-jaǵdaıyn jaqsartý, baspanaǵa qoljetimdilikti qamtamasyz etý, turǵyn úı-kommýnaldyq sharýashylyǵyndaǵy qordalanǵan máselelerdi sheshý, tarıfterdi shekteý, óńirlerdegi joldardy jóndeý, shaǵyn jáne orta bıznesti qoldaý jáne qoǵamdyq qaýipsizdik sekildi máseleler kóterildi. Sondyqtan Elbasynyń usynystaryn bir rettik emes, kerisinshe júıeli sıpatqa ıe dep aıtýǵa tolyq negiz bar”, deıdi Máýlen Áshimbaev.

Elbasy ákimderge jeńildetilgen nesıe alý boıynsha alǵashqy salymdy jergilikti búdjet esebinen ishinara sýbsıdıalaý týraly máseleni pysyqtaýdy tapsyrǵan bolatyn. Mundaı turǵyn úı sertıfıkattaryn berý bilikti ustazdar, dárigerler, polıseıler jáne óńirge qajetti basqa da mamandar úshin ıpotekanyń qoljetimdiligin arttyra túsedi. Tap osyndaı bastamany nurotandyqtar «Prezıdenttiń bes áleýmettik bastamasyn» iske asyrylýyn baqylaý jónindegi Respýblıkalyq qoǵamdyq keńestiń otyrysynda jarıa etken edi.

Sapar barysynda Máýlen Áshimbaev jergilikti partıa aktıvimen kezdesti. Onda ol Prezıdent Joldaýyn, bes áleýmettik bastamany jáne basqa da memlekettik baǵdarlamalardy iske asyrýdaǵy «Nur Otan» partıasynyń róli, aqparattyq-túsindirý jumystaryn úılestirý, sondaı-aq Elbasy tapsyrmalarynyń oryndalýyna qoǵamdyq monıtorıń uıymdastyrý týraly áńgimelep berdi.

Máýlen Áshimbaev «Nur Otan» partıasynyń strategıalyq kúsh ári Memleket basshysynyń senimdi tiregi retinde Elbasy tapsyrmalarynyń sapaly ári ýaqytyly oryndalýyn qatań baqylaýǵa alatynyn tilge tıek etip ótti.

Partıa Joldaýdaǵy basymdyqtardyń júzege asyrylýyna júıeli túrde qoǵamdyq baqylaý júrgizedi. Tek baqylap qana qoımaı, sol jumystarǵa tikeleı qatysatyn jáne sony qamtamasyz etetin basty kúshke aınalýdy kózdep otyrmyz. Bul – Elbasynyń bizge berip otyrǵan naqty tapsyrmasy. Qajet bolsa olqylyqtardy jergilikti atqarýshy organdar men Úkimettiń aldyna másele etip qoıyp, onyń ári qaraı sapaly jáne ýaqytyly oryndalýyn talap etý, tıimdi joldaryn kórsetý, barlyq iste tabandylyq tanytý da partıanyń mindeti bolyp sanalady. Sondyqtan «Nur Otan» Joldaýdyń júzege asyrylýyn qatań baqylaıdy,– dedi Máýlen Áshimbaev.

Qyzylorda oblysynda halyq sanynyń ósýine baılanysty turǵyn úı ózekti máselelerdiń qatarynda. Qazirdiń ózinde 27 myńnan astam adam turǵyn úı kezeginde tur. Atalǵan máseleni sheshý úshin munda 1532 ga jerge jańa aýdan salynýda. Onda turǵyn úıler, áleýmettik nysandar, saýda jáne keńse ǵımarattary, sondaı-aq jaǵalaý aımaǵyndaǵy qalalyqtardyń demalýy úshin saıajaılar, jelekjoldar ornalasatyn bolady. Bul jerde taıaý ýaqytta 320 oryndyq balabaqsha, jastar resýrs ortalyǵy, «Bolashaq» ýnıversıtetiniń bilim berý kampýsy, neke saraıy, kóp salaly emhanasy bar aýrýhana, fızıka-matematıkalyq mektep jáne otbasylyq medısına ortalyǵy boı kóteredi dep josparlanǵan. Búginde qajetti ınfraqurylymdardy (gaz, sý, elektr, jylý, jol) tartýǵa baılanysty jumystar júzege asyrylýda. Qyzylorda oblysynda «Orda» turǵyn úı qurylysynyń «Jol kartasy» qolǵa alynyp, alǵashqy salymsyz-aq nesıege turǵyn úı satyp alýǵa jol ashyldy. Osylaısha, óńirde Prezıdenttiń Joldaýda aıtqan baspanaǵa muqtaj jandarǵa naqty kómek kórsetý týraly tapsyrmasy oryndalýda.

Atalmysh kezdesý 4,5 myńǵa jýyq turǵyny bar Syrdarıa aýdany, Shaǵan aýyldyq aımaǵynda boldy. Atalmysh jıynda partıa Tóraǵasynyń birinshi orynbasary Joldaýdyń Qazaqstan halqy úshin asa mańyzdy ekenini birneshe ret tilge tıek etip, strategıalyq qujatta qarastyrylǵan, búkil Qazaqstan boıynsha aýyl turǵyndarynyń ómir súrý sapasyna áser etetin birqatar mynandaı áleýmettik-mańyzdy is-sharalarǵa toqtaldy:

• Aldaǵy ýaqytta eń az mólsherdegi jalaqyny 1, 5 ese ósedi;
• Bilim men densaýlyq salasyna bólinetin qarajat kóbeıedi;
• Eńbek ónimdili men aýyl sharýashylyq ónimderi eksporty 2,5 esege ósedi.

«Partıa Joldaýdaǵy basym­dyq­tardyń júzege asyrylýyna júıe­li túrde qoǵamdyq baqylaý júr­gizedi. Tek baqylap qoı­maı, sol jumystarǵa tikeleı qa­ty­satyn jáne sony qamtamasyz ete­tin basty kúshke aınalýdy kóz­dep otyrmyz. Bul – Elba­sy­nyń bizge berip otyrǵan naqty tap­syrmasy. Qajet bolsa ol­qy­lyqtardy jergilikti atqarýshy organdar men Úkimettiń aldyna má­sele etip qoıyp, onyń ary qa­raı sapaly jáne ýaqytyly oryn­dalýyn talap etý, tıimdi jol­­­daryn kórsetý, barlyq iste ta­ban­dylyq tanytý da partıa­nyń min­deti bolyp sanalady. Son­­­dyq­tan «Nur Otan» Joldaý­dyń jú­zege asyrylýyn qatań baqy­­­­laı­dy, – dedi Máýlen Áshim­baev. Sondaı-aq partıa Tóra­ǵasy­nyń Birinshi orynbasary Syr­da­rıa aýdany Shaǵan aýylynyń hal­qymen de arnaıy baryp kez­desti. Bul jerde «Nur Otan» par­tıa­sy Tóraǵasynyń Birinshi oryn­basary Joldaýdy iske asyrý elimizdiń ár turǵyny úshin mańyzdy ekenin atap ótip, aýyl hal­qynyń ómir súrý sapasyna áser etetin birqatar áleýmettik sha­ralarǵa erekshe toqtaldy. Atap aıtqanda, ol aldaǵy ýaqytta eń tómengi jalaqy mólsheri 1,5 ese­ge ósip, bilim berý men densaý­lyq saqtaýǵa bólinetin qarajat­tyń kóbeıetinine nazar aýdardy. Máýlen Áshimbaevtyń aıtýynsha, Elbasy usynǵan áleýmettik is-sharalardy taıaý ýaqytta elimizdiń barlyq aýyl turǵyndary sezine bastaıdy», deıdi Máýlen Áshimbaev.

Máýlen Áshimbaevtyń pikirinshe, Elbasy usynǵan áleýmettik is-sharalardy taıaý ýaqytta elimizdiń barlyq aýyl turǵyndary sezine bastaıdy.

« Qyzylordalyqtar Joldaýdyń kóptegen basymdyqtary boıynsha óz usynystaryn aıtyp, pikirlerin bildirýde. Aldaǵy ýaqytta olardyń bárin pysyqtap, memlekettik organdarmen aqyldasyp, olardy ári qaraı iske asyrylýyna qoldaý kórsetetin bolamyz. Iaǵnı ár usynys pen pikir jerde qalmaı, eskeriletin bolady»,– dedi Máýlen Áshimbaev.

Partıa Tóraǵasynyń birinshi orynbasary Qyzylorda qalasynda da jańa partıalyq bastamalardyń iske asýymen tanysyp ótti.

Atap óter bolsaq, Máýlen Áshimbaev №3 aqparattyq-tehnologıalar mektep-lıseıinde boldy. Atalmysh mekteptiń ózge mektepterden ereksheligi sol, STEM júıesi boıynsha balalardy baǵdarlamalaý men robot tehnıkasynyń negizderi boıynsha oqytý úshin tegin IT-synyptar ashylǵan. Bıylǵy jyldyń sońyna deıin oqyshylardyń qamtylý sany 100 adamdy qurap otyr. Máýlen Áshimbaev mektep týraly tolyǵyraq bilý úshin ustazdarmen áńgimelesti. Uztazdarmen áńgimelesý kezinde Máýlen Áshimbaev muǵalimderdiń dárejesin kóterý týraly arnaıy zańnyń daıyndalyp jatqanyn aıtyp, ustazdardy bir qýantyp tastady. Atalmysh zańda ustazdar men mektepke deıingi uıym qyzmetkerlerin yntalandyrý úshin barlyq yntalandyrýlar, júkteýdi azaıtý, olarǵa tıesili emes qyzmetterden shektek qarastyrylmaq.

Memleket basshysy Joldaýda jergilikti atqarýshy organdarǵa deneshynyqtyrýdyń kópshilikke qoljetimdiligin arttyryp, mektepterdegi sport qural-jabdyqtaryn tıimdi paıdalanyp, aýlalar, saıabaqtar, skverlerdi sportpen shuǵyldanýǵa yńǵaıly etip qaıta jabdyqtaýdy tapsyrdy. Nurotandyqtar arnaıy partıalyq joba aıasynda bul jumysqa kirisip ketti.

Jergilikti mektep-lıseıde demeýshilerdiń arqasynda sport alańy jańartyldy. Endi bul jerde oqýshylar ǵana emes, jaqyn mańaıdaǵy turǵyndar da fýtbol, voleıbol, basketbol oınap jáne basqa da sport túrlerimen aınalysa alady. Búginde aımaqtaǵy 293 mektepte 682 sport alańy bar, onyń 91-i fýtbolǵa arnalǵan alań. 78-i jóndeýdi talap etedi. Qazirgi ýaqytta aımaqtaǵy partıalyqtar solardy qaıta jóndeý jumystaryn júrgizip jatyr. Bul jerde birtindep «Densaýlyq sabaqtary» atty taǵy bir partıalyq joba engiziletinin de atap ótken jón. Aımaqta barlyǵy 72 425 oqýshy jáne 3 myń bastaýysh synyp úshin tárbıe saǵattary, trenıńter, salamatty ómir saltyn nasıhattaıtyn synyptan tys sabaqtar júrgiziledi. Máýlen Áshimbaev sonymen qatar, Qyzylorda oblystyq Á.Tájibaev atyndaǵy ámbebap ǵylymı kitaphanadaǵy kovorkıng-ortalyqtyń jumysymen tanysty. Kitaphanada book-kafe, kovorkıng-ortalyq, «Shańyraq» ıntellektýaldy ortalyǵy, Qazaqstannyń halyq jazýshysy Qaltaı Muhametjanovtyń jeke kitaphanasy, Qazaqstannyń halyq jazýshysy, aqyn Ábdildá Tájibaevtyń murajaıy, taǵy da partıalyq joba aıasynda 40 maman daıyndalyp jatqan IT-park bar.

«Nur Otan» partıasynyń bastamasy aıasynda, dástúrli kitaphana jastardyń jobalary men óz pikirlerin ortaǵa salatyn kovorıng-ortalyq retinde qyzmet kórsetip tur. Qazirgi kezde aımaqta 2 kovorıng-ortalyq jumys istep, oblystyń aýdandarynda kitaphanalardy jańǵyrtý jumysy belsendi atqarylyp jatyr.

Elbasynyń sıfrlandyrý, shaǵyn jáne orta bızneske qoldaý isin júzege asyrýda da oblystyń ozyq tájirıbesin atap ótken jón. Iaǵnı oblysta komersıalyq maqsattaǵy jer telimderi týraly aqparattyń ashyqtyǵyn qamtamasyz etetin Geoaqparattyq onlaın qyzmet kórsetetin júıe qurylǵan. «Rýhanı jańǵyrý» baǵdarlamasy boıynsha da oblysta aýyz toltyryp aıtarlyqtaı jumystar atqarylǵan. Osyǵan oraı Máýlen Áshimbaev Elbasy Joldaýyn júzege asyrýda Qyzylorda oblysynyń tájirıbesin ózge óńirlerde de qoldanýdyń bereri mol ekenin tilge tıek etti.