Shyǵys Qazaqstanda ótken jyl men bıylǵy jyldy qosqanda 25 adam partıalyq jaýapkershilikke tartylyp, 12 adam partıadan shyǵaryldy. Nege deısiz be? Sebebi bul adamdar partıa Jarǵysy men Ádep kodeksin buzǵany úshin jazalanǵan. Sonymen qatysty partıa múshesiniń Ádep kodeksin buzǵany úshin qala ákimi orynbasary men eki basqarma basshysy, aýmaqtyq partıa fılıalynyń jetekshisi jaýapkershilikke tartylyp sógis aldy.
Bıylǵy jyldyń 9 aıynda Shyǵys Qazaqstan oblysynda Partıalyq baqylaý komısıasy aǵymdaǵy jyldyń 9 aıynda 6 otyrys ótkizdi. Atalmysh otyrystar men jıyndarda 2015-2025 jyldarǵa arnalǵan QR Jemqorlyqqa qarsy strategıasy, sondaı-aq, memlekettik organdar men mekemelermen «Nur Otan» partıasynyń 2015-2025 jyldarǵa arnalǵan Sybaılas jemqorlyqqa qarsy is-áreket» baǵdarlamasyn júzege asyrý aıasynda oblystyq Ádilet jáne memlekettik kiris departamentteri men onyń bólimderinde, aýyl sharýashylyǵy salalarynda arnaıy jumystar júrgizildi.
Negizinen Qazaqstan Respýbıkasynyń Prezıdenti, partıa Tóraǵasy Nursultan Ábishuly Nazarbaev tilge tıek etip, atap ótken negizgi baǵyttardyń biri de biregeıi – partıalyq jaýapkershilikti arttyrý, qarapaıym halyqtyń muń-muqtayna muqıat qarap, olardyń usynystary men talap-aryzdaryn eskerýsiz qaldyrmaý, memlekettik qyzmetkerlerdiń jaýapsyzdyǵy men tákapparlyǵymen kúresý bolyp tabylady.
«Nur Otan» – mınıstrlik te, atqarýshy bılik te emes. Ol keleshektiń múmkindigin eskere otyryp áreket etetin, jalpyulttyq tártipti belgileıtin strategıalyq kúsh», – degen edi Elbasy.
Óskemen qalasy ákimdiginiń qyzmetine qatysty qaralǵan kezekti máselege toqtalǵan jón. 2018 jyldyń 17 qańtarynda «Jetim balalar men ata-ana qamqorlyǵynsyz qalǵan balalar» sanaty boıynsha baspana alýǵa kezektiń saqtalýyna oraı oblystyq fılıaldyń qoǵamdyq qabyldaýyna aryz tústi. Baqylaý komısıa músheleri máseleni anyqtaý úshin Óskemen qalasynyń TÚKSH bóliminiń jumysyna monıtorıń júrgizdi. Aldymen 2014 jáne 2017 jyldar aralyǵynda atalǵan sanat boıynsha memlekettik turǵyn úı qorynan baspana alýǵa muqtaj jáne baspanaly bolǵan jandardyń tizimimen tanysty. Anyqtalǵany, resmı saıtta eski tizim ózgerýsiz qalyp qoıǵan. Quzyrly oryn tarapynan eskerilmegen másele osy kezekte turǵandardyń tizimi jyl saıyn birinshi toqsanda jańartylyp turýy tıis.
Qazirgi ýaqytta oblys boıynsha 20 aýmaqtyq Partıalyq baqylaý komısıasy qyzmet etip tur. Olar bıylǵy jyly 60-tan astam jıyn ótkizdi.
Oblysta Krasnaıa Shemonaıha degen aýyl bar. Atalmysh aýylda sý alý ǵımaraty men sý jetkizý jelisi trassasy salynyp jatyr. Turǵyndar úshin asa mańyzdy joba «Nurly jol» baǵdarlamasy aıasynda boı kóterýde. Aıta ketý kerek, qurylys jumysy ótken jyldyń jeltoqsanynda bitýi tıis edi. Alaıda aýyl turǵyndarynyń úılerine sol kúıi sý jetkizilmedi. Oǵan sebepshi – jumysty merziminde aıaqtamaǵan merdiger mekeme. Shemonaıha aýdanyndaǵy Krasnaıa Shemonaıha aýylynda komısıa qatarynan birneshe reıd júrgizip, ondaǵy jaǵdaıdy baqylap otyr.
Josparlanǵan jumys ýaqyty atqarylmaǵan soń merdigerdiń kelisimshart mindetin oryndamaýy týraly sotqa aryz túsirildi. Sottyń sheshimine saı, «Óskemen qurylys» PSK JSHS 2018 jyldyń qańtaryna deıin isti aıaqtaýy tıis edi. Alaıda jobany júzege asyrý barysynda tasty jerdiń ereksheligin esepke alý jáne eki sý qoımasyn sý aıdaýysh munaraǵa aýystyrý qajettiliginen jobalyq-smetalyq qujattamaǵa túzetýler engizý quptalǵan. Partıanyń Shemonaıha aýdandyq fılıalynyń birinshi orynbasary Elena Shabanova eger alǵashqy nusqany qaldyrsa, aýyldyqtarǵa sýdyń quny altynmen teń bolmaq dep, jaǵdaıdyń jaı-japsaryn jetkizdi. Qazirgi tańda JSQ túzetý men memlekettik saraptama nátıjesi alyndy. Sonyń aıasynda oblystyq búdjetten qarjylandyrý máselesi qarastyrylýda. Sebebi buǵan deıin ıgerilmeı qalǵan 68 mıllıon teńge respýblıka qazynasyna qaıtarylǵan.
Osyǵan uqsas jaıttar kúnde bolmasa da keı kezde kezdesip turatyny belgili. Sebebi barlyǵy birdeı kemshiliksiz, keremet deńgeıde júrmeıdi ǵoı. Alaıda zańsyz jaıttardyń sońy ádilettilikpen sheshilip zańdy buzǵan azamattar jaýapkershilikke der kezinde tartylyp júr.
Osy baǵyttaǵy jumystar oblys kóleminde óz jalǵasyn tabatyn bolady. Sebebi «Nur Otan» partıasy – halyqtyń partıasy. Sol sebepti partıanyń negizgi maqsattar tiziminde halyqtyń ıgiligi men múddesi árkez aldyńǵy qatarda tur.
Sultan Ábish
