Jaqynda Ál-Farabı atyndaǵy Qazaq ulttyq ýnıversıtetiniń JOO-ǵa deıingi daıyndyq fakúltetinde kásipqoı boksshy Qanat Islammen kezdesý ótti. Daıyndyq fakúltet ustazdary Profesor Naýhan Asanov pen f.ǵ.k Nurgúl Aldabek keshtiń tizginin ustady.
Bul fakúltet negizinen shetel qazaqtaryn, onyń ishinde Atajurtqa alǵash kelgen jastardy bilimge baýlıdy. «Qara shańyraq» QazUÝ-dyń mártebesin asqatatyp turǵan fakúltet sońǵy jyldary Aýǵanstan jastaryn da oqyta bastaǵan.
Aıta keterligi, Memleket basshysy Nursultan Nazarbaevtyń «Nurly kóshiniń» arqasynda Otandaryna jańa oralyp jatqan jas túlekterdi baýyrǵa basyp, olardyń júıeli bilim alýyna jaǵdaı jasaý – Qazaq eliniń abyroıyn asqaqtatatyn uly jumys. Jat jurtta týylyp, ózge memlekettiń «tártibimen» qalyptasqan jastardy elge, jerge beıimdeýde ustazdardyń da eńbegi ushan-teńiz. Álem qazaqtarynyń jaryq juldyzy Qanat Islamdy kezdesýge shaqyryp, alqaly jıyn ótkizý – sonyń bir aıǵaǵy.
Kezdesý erkin formatta, asa joǵary deńgeıde ótti. Ásirese, basqa ýnıversıtetterden kelip, oılaryn aıtyp, pikir almasqan jastardyń kóptigi qýantty. Qanat myrza sońynan erip kele jatqan ini-qaryndastaryn eńbekkerlikke, Otansúıgishtikke shaqyrdy. Kesh sońynda Daıyndyq fakúltet túlekteride óz ónerlerin kórsetip, aǵalaryna syı jasady. Aqyndar óleń oqyp, jas ónerpazdar án shyrqady. Fakúltet ustazdary men shákirtter osy kezdesýge muryndyq bolǵan «Qamshy» portalyna rızashylyqtaryn bildirdi.
Aıan Amanǵalı
