17 qarashadan beri fransýzdar kúndiz kúlkiden, túnde tátti tynysh uıqylarynan aıyrylǵan. Búkil respýblıkany kóterilis órti sharpydy. Memlekettik júıege degen qarsylyq pa, janarmaıdyń baǵasynyń kóterilýi me áser etken, ázirge, belgisiz. Bir anyǵy – fransýzdardyń shydamy shegine jetken. Bul sońǵy on jyldaǵy eń aýqymdy halyq narazylyǵy bolǵaly tur. Sheteldik basylymdardyń derekterine sensek, búgingi kúni 110 adam jaraqat alǵan. Onyń 20-y polısıa qyzmetkerleri. 260 adam temir torǵa qamalypty. Aqparatty jetkizýdi ózine mindet 12 jýrnalıs zardap shekken.
