Báseklestik ortaǵa quny 700 mıllıard teńge bolatyn qor tobyna arnalǵan satyp alý sanattary ótedi.
«Samuryq-Qazyna» AQ men Ulttyq kásipkerler palatasynan birlesken qoldaý sharalary otandyq óndirýshilerdiń jaǵdaıyn jaqsartýǵa kómektesedi. Bul pikirimen Májilis depýtaty Azat Perýashev bólisti.
Buryn Buqaralyq aqparat quraldarynda aıtylǵandaı, «Samuryq-Qazyna» qory men «Atameken» Ulttyq kásipkerler palatasy qazaqstandyq óndirýshilerdi qoldaý boıynsha yntymaqtastyq týraly kelisimge qol qoıdy. Osy memorandýmnyń sheńberinde shamamen 700 mıllıard teńge bolatyn qor tobyna arnalǵan satyp alý sanattary básekelestik ortaǵa jiberiledi. Sonymen qatar, óndirýshilermen uzaq merzimdi sharttar jasasý kózdelip otyr.
«Jalpy, árıne,«Samuryq-Qazyna»jáne UKP kvazı-memlekettik sektorǵa bıznestiń qoljetimdiligin qamtamasyz etý nıetin quptaý kerek. Budan bólek, qazir «Memlekettik satyp alý jáne kvazımemlekettik sektordaǵy satyp alý týraly» zań QR Parlamentiniń Májilisinde ózekti másele retinde tur, otandyq ónim berýshilerge jeńildikterdi qosa alǵanda, jeńildikterge qatysty birqatar túzetýler engizilýde», - dedi Azat Perýashev.
Degenmen, májilismenniń aıtýynsha, mundaı túzetýlermen úkimet EAEO-nyń erejelerine qaıshy keletinin aıtyp kelispeıdi. Sonymen qatar, onyń aıtýynsha, kórshi Reseıde zań bar, onda reseı óndirisiniń ónimderi shartty baǵa arzandaýy jáne basqa da artyqshylyqtary bar ekeni anyq aıtylǵan.
«Sondyqtan bizdiń kásipkerlerimizdi kóre almaıtyn bizdiń úkimettiń ustanymyn túsinbeımin. Múmkin, UKP men «Samuryq-Qazyna» sıaqty yntymaqtastyqtyń arqasynda bul másele sheshiletin bolady», - dedi Azat Perýashev.
