Ulttyq qordyń esebinen otandyq avtoóndiristi qoldaý maqsatyna bólingen 20 mlrd teńgeniń 15 mıllıardy Qazaqstanda jınalǵan 55 kólik markasynyń nesıesine beriletin bolady.
Bul týraly “Qazaqstan damý bankiniń” basqarma tóraǵasy Bolat Jámishev málimdedi.
20 sáýirden bastap otandyq avtokólikti nesıe arqyly alýdyń tıimdi paıyzdyq mólsherlemesi 7,5%-dy quraıtyn bolady.
Respýblıka ekonomıkasyn modernızasıalaý jónindegi memlekettik komısıa bekitken bankter tizimine Qazaqstannyń Halyq banki (4 mlrd teńge), Eýrazıalyq bank (3 mlrd teńge), Sberbank Qazaqstan (2 mlrd teńge), Bank SentrKredıt (2 mlrd teńge), ATF Bank (2 mlrd teńge) jáne ForteBank (2 mlrd teńge) endi.
Al jeńildetilgen nesıemen beriletin kólikterge kelesi 55 markalar kirdi: Chevrolet Aveo; Chevrolet Captiva; Chevrolet Cruze; Chevrolet Malibu; Chevrolet Orlando; Chevrolet Tracker; KIA Carens; KIA Ceed; KIA Cerato; KIA Cadenza; KIA Optima; KIA Picanto; KIA Rio; KIA Carnival; KIA Sorento; KIA Soul; KIA Sportage; LADA 21214; Škoda Octavia; Škoda Rapid; Škoda Superb; Škoda Yeti; Hyundai Tucson; Hyundai Elantra; Hyundai Sonata; Hyundai SantaFe; Hyundai i-30; SsangYong Kyron; SsangYong New Actyon; SsangYong Actyon Sports; SsangYong Rexton; SsangYong Nomad; SsangYong C150; SsangYong Tivoli; JAC A20; JAC J4; JAC J5; JAC S3; JAC S5; JAC J6; JAC M5; Peugeot 408; Peugeot 301; Peugeot 508; Peugeot 3008; Peugeot 2008; Peugeot Partner VP Tepee; Geely CK; Geely GC 6; Geely MK-CROSS; Geely SC-7; Geely GC-7; Geely Emgrand E7; Geely Emgrand GX-7; ZAZ Chance.
Qazaqstandyq avtobıznes asosıasıasynyń prezıdenti Andreı Lavrentevtiń aıtýynsha, qazirgi ýaqytta eń arzan avtonesıeniń mólsherlemesi 18%.
“Qazir qazaqstandyq naryqta 10 kóliktiń altaýy nesıe arqyly satylady. Bul rette atalǵan memlekettik baǵdarlama birneshe baǵyt boıynsha óz paıdasyn tıgize alady. Otandyq avtoóndiris te damıdy, tutynýshy da utady. Tıimdi paıyzdyq mólsherlemesi 7,5%, barlyq saqtandyrý tólemderi eskerilgen nesıemen jańa kólik alýǵa bolady”, – deıdi ol.
Jeke tulǵalardy nesıelendirý kelesi talaptar arqyly júredi:
Nomınal syıaqy mólsherlemesi 4%-dan aspaýy qajet, jyldyq tıimdi mólsherlemesi 7,5%-dan aspaýy qajet (buǵan KASKO boıynsha saqtandyrý jáne avtokólikti kepilge rásimdeý boıynsha shyǵyndar da kiredi), nesıeniń beriletin merzimi 5 jyldan aspaýy qajet, nesıe valútasy — teńge, bir kóliktiń baǵasy 5,6 mln teńgeden aspaýy kerek. Sondaı-aq, mindetti alǵashqy jarna satylatyn kóliktiń 20%-nan aspaýy qajet.
Qalǵan 5 mlrd teńge QDB-nyń enshiles kompanıasy “QDB-Lızıng” arqyly lızıńke arnaıy baǵyttaǵy avtokólik pen avtotehnıka alatyn (aýyl sharýashylyǵy tehnıksynan basqa) zańdy tulǵalar men jeke kásipkerlerdi qarjylandyrýǵa baǵyttalady.
Onyń talaptary kelesideı:
Lızıń merzimi 3 jyldan 5 jylǵa deıin, nomınal syıaqy mólsherlemesi 4%-dan aspaýy qajet, qarjylandyrý valútasy — teńge, lızıń boıynsha alǵashqy jarna alynatyn tehnıka qunynyń 30%-y, negizgi qaryzdy tóleý boıynsha jeńildik merzimi — 6 aı, qosymsha shyǵyndar (saqtandyrý, qyzmet kórsetý jáne agenttik qyzmeti) lızınalýshynyń esebinen.
Atalǵan memlekettik baǵdarlama “Nurly Jol” prezıdent bastamasynyń aıasynda júzege asyrylady.
