Shybyn

Meıramhanada tamaqtanyp otyrǵanda sorpaǵa shybyn túsip ketse kim qaıter edi?

Nemis «Sorpa óte ystyq bolǵandyqtan shybyn ólip qalǵan-aý» dep, oılaıdy da, shybyndy shyǵaryp tastap, sorpany ishe beredi.

Fransýz shybyndy tárelke shetine shyǵaryp myjıdy da, sorpany ishedi.

Qytaı shybyndy juta salady.

Aǵylshyn renishin jasyrmaı, bulqan-talqan ashýlanyp, meıramhanadan shyǵyp ketedi.

Orys shybyndy baıqamaıdy.

Amerıkandyq bolsa daıashyny, aspazdy, esepshini shaqyryp, shataq shyǵarady.

Irlandıalyq shybyndy alaqanyna salyp, ushyryp jiberýge tyrysady.

Japon tóńiregin kózben sholyp shyǵady da, «Shybyndy maǵan ǵana salǵan eken ǵoı» dep, ishteı qatty qynjylady.

Káris tárelkesine shybynnyń túsip ketkenin japonnan kórip, oǵan kózin alartady.

Basy qosylsa

Eki nemis qosylsa úsh ereje, tórt zań týady. Eki evreı qosylsa úsh ıdeıa, tórt saıası partıa týady. Eki japon qosylsa úsh bank, tórt kompanıa dúnıege keledi. Eki amerıkandyq qosylsa úsh soǵys bolyp, shyndyq tórtke bólinedi.

Jahandaný

— Jahandaný degenimiz ne?

—Parıjde aǵylshyn qyzy men mysyrlyq jigit nemis avtokóligimen ketip bara jatyp, fransýz mingen japon motosıkline soǵylýynyń nátıjesinde oryn alǵan jol oqıǵasy.

Shyǵarma

Bir muǵalim oqýshylarǵa pildi obekt retinde alyp, shyǵarma jazýǵa tapsyrma beripti. Fransýz balasy: «Pildiń mahabbaty» degen taqyrypta esse jazypty. Nemis balasy pildiń minez-qulqy jóninde ǵylymı maqala jazyp ákeledi. Úndi balasy pildiń dinge qatysy týraly referat daıyndaıdy. Evreı bolsa «Pil jáne antıevreızm» degen taqyrypta dısertasıa jazyp ákeledi. Al japon balasy jazǵan shyǵarmanyń taqyryby: «Pil jáne japondyq kásipkerlik».

Tastalatyn zat

Amerıkandyq, japon, ıraktyq úsh kisi teńizde saıahattaýdy uıǵarypty. Bir kezde keme sýǵa bata bastapty. Kemeniń ishinde kóp dúnıe bolǵandyqtan, úsheýi artyq zattardy sýǵa laqtyrýǵa kelisipti. Aldymen, amerıkandyq óziniń avtokóligin teńizge laqtyrypty. Sodan soń japon fotoaparatyn tastapty. Eń sońynda ıraktyq amerıkandyqty sýǵa laqtyrǵan eken.

Sý jándiginiń ornyna

Birde amerıkandyq japonǵa bylaı depti:

— Sý jándikterin tamaqqa paıdalaný durys emes.

— Nege?

— Óıtkeni olardyń sezimtaldyǵy joǵary ári sondaı súıkimdi tirshilik ıelerin qurmetteýdiń ornyna jep qoıý degen sumdyq qoı!

— Onda budan bylaı amerıkandyqtardy tamaq qylaıyq.

Ýaqyt

Birde dúnıejúzilik ánshiler baıqaýy ótipti. Baıqaý bastalardan bir saǵat buryn nemis pen japon keledi. Úsh mınýt buryn evreı keledi. Bir mınýt qalǵanda aǵylshyn keledi. Dál bastalǵan shaǵynda amerıkandyq jetipti. Bes mınýttan keıin fransýz, on bes mınýttan soń ıtalán, jarty saǵat ótkende ıspan keledi. Portýgaldyqtyń qashan keletinin eshkim bilmeıdi.

Kók jıraf

Bir baı: «Maǵan kók tústi jırafty kórsetken kisige bar qap altyn beremin» dep, jar salypty. Ony estigen aǵylshyn «Kók jıraf bar ma, joq pa» degen taqyryp tóńireginde halyqaralyq dóńgelek ústel jasap, talqyǵa salypty. Nemis kitaphanaǵa baryp, ǵylymı eńbekterden kók jıraf týraly derek izdeıdi. Amerıkandyq bolsa jer júziniń túkpir-túkpirine áskerlerin jiberip, kók jırafty izdepti. Al japon tehnologıalyq zertteý júrgizip, aqyry kók jırafty jasap shyǵarypty.

Japon tilinen aýdarǵan: Sharafat Jylqybaeva