Qazaqstanda 18 sáýirden bastap QR Densaýlyq saqtaý jáne áleýmettik damý mınıstrliginde birqatar zańnamalyq aktilerge ózgertýler men túzetýler engizilgeni belgili. Iá, jańa zańda keıbir tabak ónimderiniń saýdasyna shekteý qoıylǵan. Sonyń ishinde quramyndaǵy nekotın men shaıyr kólemi belgilengen mólsherden asyp ketken jáne sanıtarlyq talaptarǵa múldem saı kelmeıtin bolǵandyqtan jaıma-bazarlar men dúkenderde "nasybaıǵa" jańa zań shekteý jasaǵan bolatyn. Densaýlyqqa zıan bul taýar túrin shekeradan engizý, óndirý jáne saýdaǵa salýǵa tyıym salynǵanymen, Qazaqstannyń keıbir aımaqtarynda nasybaı saýdasy áli kúnge órship turǵany belgili boldy.

Aqtaý qalasyndaǵy ortalyq bazar saýdagerleri Qazaqstanda nasybaı saýdasyna zańmen tyıym salynǵanynan habardar bolsa da, ashyqtan-ashyq kóknar satýlaryn jalǵastyrýda. Bul týraly Mańǵystaý oblystyq "Lada.kz" saıty jazady.

Áleýmettik jelige taraǵan bul beıne-rolıkte saýdagerler nasybaı saýdasyna qatysty jańa zań qabyldanǵanynan tolyqtaı habardar ekendikterin, alaıda tutynýshylar suranysyna oraı jasyryp satatyndyqtaryn aıtqan.

Al Mańǵystaý oblystyq İİD baspasóz-qyzmetiniń aıtýynsha zańmen tyıym salynǵan nasybaı ónimin shekaradan ótkizgen, óndirgen nemese saýdalaýshylarǵa aıyppul salynatynyn aıtady. Tipti, QR Ákimshilik kodeksiniń úsh birdeı baby boıynsha, 199, 434 jáne 441 baptar boıynsha jaýapqa tartý da qarastyrylǵan.

Esterińizge sala keteıik, 18 sáýirden bastap Qazaqstan terıtorıasynda nasybaı saýdasyna jáne birqatar alkogóldik jáne tabak ónimderine tyıym salynǵan bolatyn.

Nurzat Toǵjan