- Osy jolǵy saıası naýqan saılaýshylar eń kóp kelgen, uıymdastyrylýy joǵary deńgeıde ótken saılaý retinde tarıhta qalady dep oılaımyn. Tańerteńnen beri baıqaǵanym, saılaý ýchaskelerine kelip, daýys berýge asyqqan halyq óte kóp. Sol arqyly halyq óziniń azamattyq belsendiligin kórsetti. Al bul jáıt eldegi saıası mádenıettiń artyp kele jatqanyn kórsetedi. Bul jerde ortalyq saılaý komısıasynyń da saılaýshylardy ýchaskelerine shaqyrý jumysyn joǵary deńgeıde atqarǵany aıqyn kórinip tur, - deıdi Qanat Áýesbaı. Aıta keteıik, búgin tańǵy 7.00-den bastap Qazaqstannyń barlyq aýmaǵynda QR Prezıdentin saılaý naýqany bastaldy. Ortalyq saılaý komısıasynyń málimeti boıynsha, saǵat tańǵy 10.00-ge deıin daýys berýshilerdiń 20 paıyzǵa jýyǵy óz tańdaýlaryn jasaǵan.

Baq.kz