«Men Qazaqstan táýelsizdigin alǵannan bergi saılaýlardy qadaǵalap júrmin. Búgingideı saılaý bolǵan emes. Saılaý memleket pen qoǵamnyń ózara baılanysyn nyǵaıtady. Munda biz memleket tarapynan naqty jumystar atqarylǵanyn kórip otyrmyz. Uıymdastyrý jumystary joǵary deńgeıde júrgizilgen. Bıyl saılaý ýchaskeleriniń sany artqan, OSK, ákimdiktiń qyrýar jumys atqarǵany baıqalady. Qoǵam tarapynan da jaýap boldy: biz burynǵy saılaýlarǵa qaraǵanda halyq daýys berýge edáýir kóp kelip jatqanyn kórip otyrmyz», - deıdi Rústem Qadyrjanov. Sarapshynyń aıtýynsha, saılaý naýqany tek daýys berý kúnin ǵana emes, úgit-nasıhat kezeńin de qamtıdy. Bul tusta atalǵan naýqannyń da mańyzy zor, erekshe bolyp tabylady. Bıylǵy jyly úgit-nasıhat materıaldary óte myqty boldy. Bul qoǵamnyń saıası mádenıetiniń óskenin, halyqtyń bılikke senetinin kórsetip otyr. «Men tańerteń Qazgıdromette daýys berdim. Tańǵy 10-ǵa taman saılaý ýchaskesine kelsem, kezek kútip turǵan halyqtyń qarasy qalyń eken. Mundaı kóp saılaýshyny buryn-sońdy kórmep edim. Menińshe, bıyl saılaýshylardyń sany 90%-dan kem túspeıdi. Tipti azdap kezek kútýge de týra keldi. Búgingi kún maǵan mereke sıaqty. Halyqtyń kóńil-kúıi kóterińki», - dep bólisti oıymen saıasattanýshy.