Kýágerlerdiń aıtýynsha, órt "Adem" saýda úıinde 26 sáýirde shamamen saǵat 11.30-da shyqty. Ǵımarattan bastapqyda tútin shyǵyp jatty, endi ol otqa orandy. Býtık ıeleri oqıǵa ornyna keldi, sonymen qatar saýda úıiniń ishinde mıllıondaǵan qarjyǵa alynǵan taýary bar adamdardyń kózderine jas alǵany aıtylady. "Adem" saýda úıinde jarylystar estiledi, bul gaz balondarynyń jarylǵan daýysy bolýy múmkin.
Oqıǵa ornynda órt sóndirýshiler jumys ister jatyr. Biraq kýágerler órt sóndirýshilerdi áreketsizdik tanytty dep aıyptap otyr.
Aldyn ala málimet boıynsha, 25 myń sharshy metrdi órt shaldy. "Almaty TJD pýltine órt týraly habar 22.24-te kelip tústi. Oqıǵa ornyna birinshi bólimsheler 6 mınýttan keıin jetti. Oqıǵa ornyna kelgen olar órt týraly habardyń kesh kelgenin túsingen - "Adem" saýda úıiniń ǵımaratynda óte joǵary temperatýra boldy (270 gradýs) jáne zıan ári ýly gaz shyqty. Sonymen qatar, avtomattandyrylǵan órt sóndirý dabylynyń isten shyqqany, al syrtqy órtke qarsy sýmen jabdyqtaý júıesinde sý bolmaǵany anyqtaldy", - dedi órt sóndirýshiler.
Sonymen qatar, olardyń aıtýynsha, órtti sóndirýge saýda úıindegi býtıkterdiń tez janatyn jáne ýytty materıaldan jasalǵany kedergi bolǵan. Ǵımarat ishi qaıta qurylymdalǵan, ǵımaratta kóptegen taýar men maneken boldy, olar órt kezinde ýly gaz shyǵardy. "Adem" saýda úıinde gaz balondary saqtalǵan, olar órt shalǵan kezde jaryla bastady. Órttiń kúsheıýine kúshti jel yqpal etti. "Qazgıdromet" respýblıkalyq memlekettik kásipornynyń málimetinshe, órt shalǵan aýmaqtaǵy jeldiń jyldamdyǵy sekýndyna 2,7 metrge jetti.
Órt 06.35-te lokalızasıalandy. Órtti sóndirýge Almaty qalalyq TJD-niń jeke quramynyń 156 adamy, negizgi órt sóndirý tehnıkasynyń 25 danasy jáne arnaıy tehnıkanyń 16 danasy, sonymen qatar, Almaty İİD-niń jeke quramynyń 380 adamy , 34 dana tehnıkasy, №5571 áskerı bóliminiń 200 áskerıi jáne 10 dana tehnıkasy, "Holdıń Almaty Sý" memlekettik komýnaldyq sharýashylyǵynyń sý tasyǵysh eki mashınasy, Almaty QMSH-nyń eki adamy jáne 1 brıgadasy jumyldyryldy.
Almaty TJD baspasóz qyzmetindegilerdiń aıtýynsha, 2012 jyly TJ mamany "Adem" saýda ortalyǵynda órt sóndirý qaýipsizdigi talabynyń 11 ret buzylǵan deregin anyqtaǵan, sol ýaqytta saýda ortalyǵyna 45 myń teńge aıyppul salyndy. Vedomstvo saýda úıiniń qyzmet kórsetýin toqtatý úshin onyń ústinen sotqa aryz bergen, aryz qabyldanǵan. 2013 jyly baqylaý tekserisinde mamandar bul ereje buzýshylyqtardyń joıylǵanyn anyqtady. 2014 jyly shaǵyn jáne orta bıznesti tekserýge moratorıı jarıalanǵandyqtan, "Adem" saýda ortalyǵy tekserilmegen bolyp shyqty. Onyń tekserisiniń osy jyldyń ekinshi jartysyna josparlanǵany aıtyldy.
Qazirgi ýaqytta kelgen shyǵyn eseptelip, órttiń neden shyqqany anyqtalyp jatyr.
Eske sala keteıik, 26 sáýirde Almaty qalasyndaǵy "Adem" saýda úıinde keshki ýaqytta órt shyqqan bolatyn. Oqıǵa ornynda órt sóndirýshiler jumys ister jatyr. Biraq kýágerler órt sóndirýshilerdi áreketsizdik tanytty dep aıyptap otyr.
