Nepaldaǵy jer silkinisi kezinde orys tildi úsh adam iz-tússiz joǵalyp ketken. Bul týraly reseılik Lenta.ru saıtyna "Ananta" týrısik agenttiginiń dırektory Marıa Efımova málimdegen.

Onyń aıtýynsha máskeýlik eki azamat taýǵa shyǵyp ketken. Al olarmen birge gıd (jol nusqaýshy) qyzmetkeri bolyp jumys isteıtin Lena Sherp esimdi qazaqstandyq azamatsha bolǵan. Taýǵa shyǵyp ketken reseılik jáne qazaqstandyqtardan eshqandaı habar-oshar bolmaǵan. Joǵalyp ketkender qaza bolǵandar tizimine qosylǵan.

Alaıda 26 sáýir kúni Qazaqstannyń Syrtqy ister mınıstrligi Nepaldaǵy jer silkinisi kezinde japa shekken qazaqstandyqtar joq degen málimdeme jasaǵan bolatyn.

Sońǵy málimetterge súıensek, Nepaldaǵy tabıǵı apattan qaza tapqandardyń sany 3 myńǵa jýyqtaǵan. Sondaı-aq, myńdaǵan adam túrli dene jaraqattaryn alǵan. Nepal astanasy Katmańdýda kóptegen ǵımarattar qırap, Gımalaı taýynan kóshkin júrgen.

7,9 baldyq silkinis 25 kúni tirkelgen. Epısentri Nepal astanasy Katmańdýdan soltústik-batysqa qaraı 82 shaqyrym jerde bolǵan. Sonymen qatar, Úndistannyń soltústik-shyǵys bóliginde de jer silkingen. Keıinirek, eki el shekarasynda 20-ǵa jýyq aftershok tirkelgen. Qazir oqıǵa ornynda qutqarýshylar qyzmet etýde.

Nurzat Toǵjan