10 myńnan astam otandyq jáne 1000-nan astam shet eldik baıqaýshylar baqylaǵan Qazaqstandaǵy Prezıdet saılaýynda qazirgi elbasy - Nursultan Ábishuly aıqyn basymdyqpen jeńip shyqqany týraly jazǵan bolatynbyz. Bul jolǵy saılaý barysynda biz, qazaqstandyqtar buryn sońdy bolmaǵan belsendilik tanytyp, saılaýda daýys berýshiler sany boıynsha sensasıalyq kórsetkishti kórsettik. Elbasy - jeńiske jetti. Endigi kezekte jańa saılanǵan prezıdenttiń ınnaýgýrasıasyn kútý qaldy. Keıbir derekkózderiniń aıtýynsha, Prezıdenttiń ınnaýgýrasıasy 2015 jyldyń 1 mamyr kúni ótedi dep josparlanǵan. Qazaqstan Respýblıkasynyń Ata Zańynyń 70 babynda kórsetilgendeı, burynǵy Úkimeti jańa saılanǵan Prezıdenttiń aldynda óziniń barlyq quqyqtyq laýazymyn tapsyrýy tıis. Iaǵnı, Konstıtýsıaǵa sáıkes, Qazaqstanda 1 mamyrda Kárim Qajymuqanuly Másimov myrza basshylyq etetin Úkimet otstavkaǵa ketýi tıis. Sodan keıin, saıası partıalar fraksıasymen keńeskennen keıin jańa prezıdent, jańa Premer-mınıstrdiń kandıdatýrasyn Májilistiń talqysyna jiberedi. Májilis depýtattary kandıdatýrany maquldaǵan jaǵdaıda, Prezıdent ony jańa qyzmetke taǵaıyndaıdy. Jańa taǵaıyndalǵan Premer-mınıstr on jumys kúniniń ishinde Úkimet múshelerin jasaqtaý týraly strýktýrasyn Prezıdentke usynýy kerek. Nurzat Toǵjan