2015 jyldyń mamyr aıynyń 3-7 aralyǵynda Almaty – Taldyqorǵan – Aıagóz – Aqjar marshrýttary boıynsha Qazaq handyǵynyń qurylýynyń 550 jyldyǵyna arnalǵan «Birligi myqty el ozady» atty sherýi ótkiziledi. Bul týraly búgin Astanada ótken baspasóz máslıhatynda talqylandy. Tórt kúnniń aralyǵynda, Almatydan bastaý alatyn sherý, tý ustap el qorǵaǵan Er Dáýletbaı batyrǵa Shyǵys Qazaqstan oblysy, Tarbaǵataı aýdanynyń ortalyǵy Aqjar selosynda eskertkish turǵyzýmen qorytyndylanbaq. Mádenı, rýhanı mańyzy bar is – sharaǵa respýblıkalyq qazaq handyǵynyń 550 jyldyǵyn ótkizýge arnalǵan memlekettik komısıanyń músheleri, tanymal tarıhshylar jáne sherýdi uıymdastyrýshylar qatysady.

Sharanyń basty uıymdastyrýshysy, «Uly Dala Qyrandary» respýblıkalyq qoǵamdyq áleýmettik-mádenı qozǵalysynyń teń tóraǵalary Sádibek Túgel men Marat Nábıev. Sonymen qatar, Er-Dáýletbaı eskertkishin salý ıdeıasynyń avtory, «Tý ustap el qorǵaǵan Er-Dáýletbaı» qaıyrymdylyq qory, SHQO Tarbaǵataı aýdanynyń ákimshiligi men «El birligi» odaǵy tarıhı sátti qoldaýshylardyń qatarynda.

Sádibek Túgel, «Uly Dala Qyrandary» respýblıkalyq qoǵamdyq áleýmettik-mádenı qozǵalysynyń tóraǵasy: Elbasynyń Qazaq handyǵynyń 550 jyldyǵyn ótkizý týraly bastamasyn tolyǵymen qoldaımyz. Bizdiń oıymyzsha, 550 jyldyqty toılaý ulttyq tarıhty baǵalaýǵa úlken serpilis týǵyzady. Bul baǵytta biz respýblıkalyq qazaq handyǵynyń 550 jyldyǵyn ótkizýge arnalǵan memlekettik komısıamen birge jumys isteımiz. Osynyń aıasynda bul sherý ótkizilip otyrǵan sharalardyń alǵashqysy. Maqsaty ulttyq tarıhymyzdy baıandaý. Sherý aldaǵy ýakytta jalǵasyn tabady.

Sonymen, Er Dáýletbaı batyrdyń eskertkishin Tarbaǵataı tórine ornatýshylar, mamyrdyń úshinshi juldyzynda Almatydan alys jolǵa attanbaq. Tórt kúndik sherýdiń aıaq alysy men tynys tirshiliginen oqyrmandarymyzdy aldaǵy ýaqytta habardar etip otyramyz.