Oral qalasynyń turǵyny reseılik "Daýys. Balalar" telebaǵdarlamasynda qazylar alqasyn tánti etti, - dep habarlaıdy Qamshy.kz aqparat agenttigi Tengrinews.kz saıtyna silteme jasap.

11 jastaǵy Erjan Maksım Birinshi arnadaǵy "Daýys. Balalar" baıqaýyna qatysty. Onyń óner kórsetkendegi sáti jobanyń resmı Youtube-kanalynda jarıalandy. Erjan Andrea Bochellıdiń Ama credi e vai ánin oryndady. 

Qazaqstandyq jas ónerpaz baıqaýdyń qazylar alqasyn (Svetlana Loboda, Pelageıa jáne Valerıı Meladze) tánti etti. Úsheýi de qazaqstandyq ónerpazǵa burylyp, alǵan áserimen bólisti.

Erjan Maksım jetekshi retinde Meladzeni tańdady.  "Al, qymbatty meniń ınstadostarym, aqyrynda, kimniń komandasyna ótkenimdi bildińizder. Aldymyzda kóptegen jumystar bar, sondyqtan "jekpe-jek" kezeńinde baǵymdy synaıtyn bolamyn", - dep jazdy Erjan Instagram-daǵy jeke paraqshasynda.

Osyǵan deıin, Erjan Maksım jáne taǵy tórt qazaqstandyq jas ónerpaz reseılik "Daýys. Balalar" telejobasynyń kastınginen ótkeni habarlanǵan edi. Erjan - Qazaqstandaǵy Junior Eurovision 2018 baıqaýyna irikteýge qatysýshylardyń biri.

Usynǵan: Maqpal Sembaı