Búgingi Alash qozǵalysynyń kósemi Álıhan Bókeıhannyń týǵan kúniniń qurmetine Qamshy.kz aqparat agenttigi oqyrmandar nazaryna tarıhı tulǵanyń qanatty sózderin usynady.

Jantebirenis: Azattyq tańy atty! Tilekke qudaı jetkizdi! Kúni keshe qul edik - endi búgin teńeldik!

***

Bilim - bilimmen, minez - minezben. Kóp oqysa, zeıindi bolsa - bilimdi bolmaq, al minezi jaqsy bola ma álde jaman bola ma - muny qudaı biledi.

***

Naǵyz túrik zatty halyq tili – bizdiń qazaqta.

***

Bul zamanda jylap muratqa jetem deý - ash túıeniń kúıseýi syńdy dármensizdik.

***

Talas-tartys joq bolsa, ómir abaqtyǵa aınalar edi.  

***

Aqylǵa sańyraýlyq ta – aıyp.  

***

Japonda kisi qajetine jaratylmaǵan alaqandaı jer joq. Onda mundaı yjdahatty jankeshtilik bolmasa ashtan ólesiń.

***

Bul bolyp turǵan zaman - Alashtyń azamatyna zor júk.

***

Tirshilik-ǵumyr belgisi - alys-tartys, arbaý-ádis.

***

Alyspaǵan, julyspaǵan bostandyq atyna minbeıdi, buǵaýdan bosamaıdy, er quldyqtan, áıel kúńdikten shyqpaıdy, malyna da, basyna da ıe bolmaıdy!

***

Bolǵannan – qashpa, bolmaǵanǵa – saspa.

***

Jurt ádil bolmaı, jurt isi ońǵa baspaıdy.  

***

Jer daýy - támam bes mıllıon qazaq daýy.

***

Túzý qalam - qısaıǵan, ótkir qalam - mújilgen zaman.

***

Ózine-ózi qasqyrsha shaýyp otyrǵan jurtta oqý-óner bolmaıdy.

***

Bostandyqqa aparatyn jalǵyz jol – ulttyq yntymaq qana.  

***

Aqyldy sóz qylmaq qıyn, aqyldy sózdi aqyldy is qylmaq odan da qıyn.  

***

Bolǵannan – qashpa, bolmaǵanǵa – saspa.  

***

Ultyna, jurtyna qyzmet etý – bilimnen emes, minezden.  

***

Kózi soqyrdan, kóńili soqyr jaman.  

***

Eldiń turmysyn, tilin, minezin bilmegen kisi kósh basyn da alyp júre almaıdy.  

***

Jurtqa ádil bı paıdaly, kópke súıengen, kóp sózin tyndaǵan, bıligin ornyna jumsaıtyn, aram jemeıtin, is biletin, el múddesin ashyq qorǵaı alatyn bolys paıdaly.

***

Tirshilik – báıge: júırik alar, shaban qalar. 

***

Shyńǵys han dúnıeni aldy - artynda túk belgi qalǵan joq. Aqsaq Temir dúnıeni almasa da - artynda Samarqand, meshit, medresedeı belgi qaldy. Shyńǵys - kóshpeli, Aqsaq Temir - otyryqshy.

***

Erinshek pen ezge jol, báıge, sybaǵa, múshe joq.  

***

Óz kúshine senbegen halyq ta, adam da eshqashan ómir báıgesin ala almaıdy.  

***

Óziń túıeden ótken jetekshil bolsań, saǵan aqyl ne kerek?!  

***

Bı túzý, bılik ádil bolsyn.  

***

Maqalany qalam ózi tilegende jazsa, sóz kesteli bolady. 

***

Jer dese dirildemeı bolmaıdy: jer máselesi – ómir súrý máselesiniń zory.  

***

Mansapqumar eli – kemeldikke jetpegen el.  

***

Zań adam paıdasyna jazylady, adam zań úshin týmaıdy ǵoı.  

***

Eýropa mádenıettimin dep maqtanǵanymen, mádenıeti ónerinde ǵana, al minezi haıýandyq saparynan qaıtqan joq.  

***

Adam balasy – nápsiniń quly: mańdaıy tasqa tımeı toqtamaıdy.

***

Janaıqaı: qazaqtyń oqyǵan azamattary, qazaqqa osyndaıda qyzmet etpegende qashan qyzmet etip paıdamyzdy tıgizemiz?!

Álıhan Nurmuhameduly Bókeıhan (5 naýryz 1866, Qarqaraly ýezi, Semeı oblysy, Dala Ólkesi — 27 qyrkúıek 1937, Máskeý) — XIX ǵ. sońy men XX ǵ. basyndaǵy qazaq zıalylarynyń, qoǵam jáne memleket qaıratkerleri qataryndaǵy asa erekshe tulǵa. Kórnekti qoǵam jáne memleket qaıratkeri, ult-azattyq jáne Alash qozǵalysynyń jetekshisi, Alashorda avtonomıaly úkimetiniń tóraǵasy, pýblısıs, ǵalym, aýdarmashy. 

Jınaqtap, usynǵan: Maqpal Sembaı