QR Prezıdenti isteriniń basqarmasy medısınalyq ortalyǵynyń dırektory Ámir Ahetovtiń qaıtys bolǵanyna bir aı boldy. Jýrnalıserge «dáriger ólimine júrek talmasy sebep boldy» dep aıtylyp keldi. Alaıda sený qıyn: uzaq ómir súrý jaıly zerttep júrgen 49 jastaǵy medık qalaısha óz densaýlyǵyndaǵy aqaýdy baıqamaı qalǵan dep oılaısyń... Sol sebepti «Vremá» gazeti Ámir Ahetovtiń óliminiń naqty sebepterin anyqtaýǵa kiristi. Bálkim, quqyq qorǵaý organdary jiberip alǵan, baıqamaı qalǵan bir tustary bolǵan shyǵar...

Anyqtalǵandaı, Ahetov aýrýhanaǵa aýyr jaraqatpen túsken ári kóp qan joǵaltqandyqtan qaıtys boldy. Júrektiń bul ólimge esh qatysy joq.

Ámir Ahetovtiń ólimine baılanysty tergeý isteri 2019 jyldyń  3 aqpanynda bastaldy. Sol kúni elge tanymal dáriger ómirden ozǵan edi. Ázirge Astana qalalyq polısıa departamentiniń tergeýshileri «sýısıd» degen boljam jasap otyr. İs 105-baptyń 1-bólimine sáıkes «Ózin-ózi óltirýge deıin jetkizý» boıynsha qaralýda. Mundaı qylmys úshin beriletin jaza – kúdiktini 3 jylǵa deıin bas botandyǵynan aıyrý.

Basty máselege kóshelik...

3 aqpanǵa qaraǵan túni dárigerdiń páterinde nendeı jaǵdaı boldy? Marqumnyń jary Natalá Ahetova mán-jaıdy túsindirýge tyrysty. Aıtýynsha, oqıǵa oryn almas buryn keshke dostarymen meıramhanada tamaqtanǵan. Er adamdar ishimdik ishse, áıelder sharap ishti. Alaıda dostardyń saǵynyshy basylmaǵan bolýy kerek, meıramhanadan shyǵyp bári Ahetovterdiń úıine barady. Keıin B. men áıeli ketip qaldy, Ámir men Natalá páterde jalǵyz qaldy. Sumdyqtyń bári endi bastaldy. Natalá Ahetova kúıeýimen qatty urysyp qalǵanyn aıtty. Nátıjesinde Ámir ózin jaralaıdy. Natalányń aıtýynsha, alǵashynda kúıeýiniń esi bolǵan eken, áıelinen jedel-járdem shaqyrýyn ótinipti.

Natalá 103-ke habarlasty, alaıda tutqany eshkim kótermedi. Sóıtip kúıeýiniń orynbasary Raýshan Qarabaevaǵa habarlasady. Ol tez arada jedel járdem brıgadasyn jiberdi. Dárigerler kelgenshe, Ahetova kúıeýine alǵashqy kómek kórsetýge tyrysty. Júregine massaj jasap, jarany tańbaq boldy.

Dál osy sátke deıin Natalá Ahetova senimdi sóıledi. Ári qaraı...

Ámir Ahetovti dárigerler alyp ketti. Al áıeli qanǵa boıalǵan kıimin sheship, as úı súlgisimen paket ishine sala salǵan. Eger oqıǵa dálizde bolsa, as úıde qannyń qalaı paıda bolǵany túsiniksiz... Natalá zattardy kólik júrgizýshisi Aıtjan Ibraevtan berip jiberedi. Qan juqqan kıimderi bar paketti Natalányń buıryǵymen Ibraev qoqysqa tastaıdy. Tergeý barysynda polısıa músheleri álgi zattardy taýyp alyp, taldama jasaýǵa ótkizedi.

Natalányń sózine sensek, ol jaraqat jasalǵan pyshaqty súrtip, páterdiń edenin jýyp shyqqan. Nege bulaı istegenin shok jaǵdaıda otyrǵan áıel aıtpady.

Erli-zaıyptylar arasynda bolǵan janjaldy Ahetovtardiń kórshileri rastady. Alaıda Ámir Ahetovke pyshaq suqqan kim? Munyń jaýabyn polısıa áli ala almaı otyr. Mamandar da jarytyp eshteńe aıtpaǵan. Tek belgilisi, marqumnyń oń jaq keýdesi jaralanǵan. Ári sýyq qarý 5-7 santımetr tereń suǵylǵan eken. Kóp qan joǵaltyp alýy – dárigerdiń ólimine ákelip soqqan.

Tergeý barysynda Ahetovterdiń oqıǵasyna taǵy bir áıeldiń qatysy bar ekeni anyqtaldy. Qymbat kólikpen júretin 30-dan endi asqan áıel turmys qurmaǵan. Astana men Almatyda úıi bar, eki qalada da júre beredi. Alaıda janjalǵa onyń qatysy bar-joǵyn aıtý ázirge erte,

Mundaı derekterdi keltirgen time.kz İİM basshysy Erlan Turǵymbaevtyń qandaı da bir pikir berýin talap etip otyr.

Time.kz saıtynan aýdarǵan Gúlim Jaqan