"Eki bala anasynyń qolynan qaza tapty. Imandy bolsyn, perishteler... Qyzylorda oblysynyń týmasy Túrkistan qalasyna kelip, páter jaldaǵany, sodan soń týystaryna balalardy óltireıin dep jatqanyn aıtqany belgili. İstiń mán-jaıy anyqtalýda. Tergeý jumystarymen Túrkistan oblysynyń PD aınalysýda", dep jazdy Bala quqyqtary jónindegi ýákil jelidegi paraqshasynda.
Aıta ketsek, 7 aqpanda Túrkistan qalasynda jaldamaly páterlerdiń birinen eki jas balanyń denesi tabyldy. Búldirshinderdiń anasy atalǵan qylmys boıynsha kúdikke ilindi. Jergilikti Otyrar telearnasy kúdikti áıeldiń Qyzylorda oblysy, Shıeli aýdanyndaǵy Pýshkın atyndaǵy №46 mektepte tárbıeshi bolyp jumys istegeni týraly aqparat taratty. Bul aqparatty Shıeli aýdandyq bilim bólimi naqtylady.
