Aıta ketsek, 7 aqpanda Túrkistan qalasynda jantúrshilik qylmys boldy. Jaldamaly páterlerdiń birinen eki balanyń denesi tabylyp, polısıa kúdikti retinde búldirshinderdiń anasyn izdestirip jatqanyn habarlaǵan bolatyn.  

KTK telearnasynyń habarlaýynsha, jantúrshigerlik oqıǵa bolǵan kúni 31 jastaǵy áıeldiń týǵan kúni bolypty.

«Qyzylorda oblysynyń týmasy Túrkistanǵa qydyryp kelgen eken. Kıeli shaharda páter jaldap turǵan. Shıeli aýdanyndaǵy Pýshkın atyndaǵy №46 mektep-lıseıde tárbıeshi bolyp jumys istep kelgen 31 jastaǵy áıeldiń Túrkistanǵa nege jáne kimge kelgeni, ázirge belgisiz. Óziniń týǵan kúninde jaldamaly páterde 5 jáne 2 jastaǵy balalaryn jastyqpen tunshyqtyryp óltirgenin qurbysyna telefonmen aıtyp, ózi izin sýytqan», delingen habarlamada.

Jantúrshigerlik oqıǵa boıynsha qylmystyq is qozǵaldy.

 «Adam óltirý faktisi boıynsha barlyq mán-jaılardy anyqtaý maqsatynda tergeý júrgizilýde. Tıisti saraptamalar taǵaıyndaldy, kúdikti áıel qamaýǵa alyndy. İstiń tergeý barysy meniń jeke baqylaýymda», deıdi Túrikstan oblystyq PD bastyǵy Murat Qabdenov.