Almaty qalasy Medeý aýdanynda búgingi túnde laı kóshkini júrip, eki úıdi basyp qalǵany belgili. Bir úı bútindeı, taǵy bir úı jartylaı búlingen. Qutqarýshylar oqıǵa ornynan bir otbasy músheleri - 1984 jyly týǵan er adamnyń, 1980 jyly týǵan áıeldiń jáne 2007 jyly týǵan eki jas jigittiń denelerin taýyp alyp shyqty.

TJM psıhologtary marqumdardyń týystary men kórshilerine shuǵyl psıhologıalyq kómek kórsetýde.

«Jumystar ótkir zattar, áınek, armatýra jáne t.b. zattar aralasqan saz balshyq massasynyń úlken kólemimen, sondaı-aq úıge kirý jolynyń tar bolýymen, tehnıkany barynsha paıdalaný múmkin emestigimen qıyndaı tústi. Qutqarýshylar jumysty, negizinen, qolmen júrgizýde», delingen QR TJM baspasóz qyzmetiniń habarlamasynda.